KTP ENG Weekly Newspaper
Dt.28.8.2016 (Pathianni)
Tahna ruamah tuihna thar
(.....Chhunzawmna) -Rev. Vanlalzuata
“Tahna ruam chu an zawhin tuihnathar awmnate an siam thina” (Sam 84:6)
Chawl : Tahna ruama tuihna hmu fuhte chuan chawlhna hmun an thleng ta a, mittui ruam (Emek baca) chu malaswmna ruam (Berachah) a lo ni ta. Hemi hmuna chengte chuan an chunga thil lo thleng apiangah, “I thu nise tiin an ininhlan thlap theia. Lal Isuan, “Ka nghawngkawl bat ula... in thlarau tan chawlhna in hmun ang. Ka nghawngkawl chu a nuama, ka phur pawh a zang a ni.’ a ti a. He chawlhna ruam hi engmah tihtur neilova thutthluanna ruam a ni lova, thawkrim chung pawha chauh si lohna a ni. Phurrit phur hauh lova thawvenna a ni lova, rit tak phur reng chung si a, zo taka phurhna a ni bawk a. Na chunga damna a ni a, tuar chung a lawmna a ni a, hloh chunga neihna a ni a, chân chunga hlawkna a ni a, thi chunga nunna a ni.
Kan thupui hi han chhut lêt leh lawk ila. Mi thenkhatte chu thlawk nun an neih laiin an thlawk bo daih a, mi thenkhatte chu tlan nuna an awm laiin an tlan bo daiha. Thenkhatte chuan kal nun hi a muang lutuka hriain a aia hmanhmawh zawk a kal theihna tur pawl dang an zuana. Chuti chuan chawlhna hmun tak tak thleng zo chu an tam lo hle a ni. He chawlhna hmun hi kan thlen hma loh chuan kan thihni thlengin kan nun hi a hah reng dawn a ni. Camping chhuak aiin Baca chhuak an tlo zawka, a hut hut lai chauh ni lovin, khuang ri a dul hnuk lai pawhin an thahnem ngaihna a zual zawk a. Tuipui sen kama phur tak lâm ai mahin Baca ruama phur vak lova thahnem ngaih lâm hi van mite khian mawi an ti mah zawk âwm e. Tuipui sen kama kan testimony ropui tak aiin Baca ruama kan testimony beitham tak hi Setanan a hlau mah zawk awm e.
Pasal\ha chu Sakei huai hmaah an hriat angin piangthar diktakte chu Baca ruamah an hriat thin. Tuipui sen kama rik mup mup a reh tak avanga phunchiarna thlalera chengte hi chuan Pathian thu hi kan la hmu fiah tak tak lo a ni. Kan ram ringtute nun hi thlir ila, kan thlawk noh noh mai a, la thlawk ve hauhlo chu kan tlem ngawt ang. Rui tlu rengte pawh hian, “hmanah chuan.....” an ti thei deuh vek a ni. Nimahsela thlawk kan tam ang hu in tlân kan tlem a, kal kan tlem lehzual a, chawl phei chu kan la tlem lehzual. Harhna a lo thlen hi chuan a neitu ber emaw tih tur kan tam a, khuang ri a chuai a, kan chuai zui leh mai thin. Mi khuah tlin saa chengte hi chu kan da leh mai a, tui kang nghaka khuap tling tute erawh chuan chawlhna an thleng thin. I dinhmun enfiah la, khawiah nge i din mek?
**********************************************************************************************************************
Jubilee concert in buatsaihna in a vawrtawp a thleng ta
Furpui boruak ipik zual chu kan hmang zo leh dawn ta reng mai. Thi\in Thla her liam tur pawhin hapta chanve chauh in kar min dan ta. Beihrual Thla kan chuang kai dawna, Mimkut Thlafang pawh a in puahchah ve mek zela. Khuangruah pawhin zah a ngai tana, Turnipui pawhin vangpui sual chhuah tumin theihtawp a chhuah ve mek zel.
Hetih mek lai hian keini K.T.P te pawhin kumin Diamond Jubilee kan hman mek pualin Concert neih ve ngei kan han tum chu a ni a. Tisa lamah ropuina chhuan tur kan neilo, rinna in fakna kan auchhuah pui dawn a ni tih hriaa Kohhran mipuite pawhin minlo tawngtai pui turin kan in sawm a ni. Hun chep tak leh mahni hna tul tak tak karah, hna thawh hah pawh sawi lovin, chanvo neitu tur te chuan in buatsaihnate ngawrh takin an nei thin a, Member-te in pekna a ropui thin hle a ni. Chutih rual chuan Concert pual Ticket siam tura lo ruahman tawh chu, remchan zawkna vangin Concert-ah hian Ticket siam lova, a hmunah Bawm dawh mai nise kan ti a, kan Ticket zawrh tur chungchangahte mi in phal leh in huam zau tak tak kan lo awm tawh pawh ani maithei e, hei hi Khawtlang mipuite pawhin min hriatthiam sak a, kan in huam na te nen a kan Concert- a hmun ngeia min chhim sak a, kan Jubilee lawmna turah hian Ruaipui buatsaih kan tum vangin, hemi pual hian Bawm dawh pawh hi buatsaih a nih avangin Mipuite pawhin kan remchan angte min thlak sak turin kan in sawm nghal a ni e.
KOHHRAN & TUALCHHUNG
@ Vawiin Tu leh Fa pual tawngtai hruaitu atan Pi Rohmingthangi a ni ang.
@ Vawiin hi Pathian ram Ip lakkhawm hun alo ni leh ta a, Kohhran mi ten malsawmna kan dawn atanga Lalpa tan a kan serhhrante ken khawm leh tur a ni e.
@ Vawiin hian Ramthar pual Thiamthil kenkhawm tur a ni a, Biak In kawtah dahkhawm tur a ni e.
Tin, Ramthar puala Sangha kan zawrhte min min lei sak tute zawng zawng chungah Ramthar Committee chuan lawmthu a sawi a ni.
@ Dt. 29th August-11th September Kohhran Inkhawm zai hruaitu turte :-
Khuangpu : Pu C.Lalchhuanawma
Pu K.Laldawnglina
Keyboardist : Tv. Vanlalhruaia
Hlahriltu :Nl. Nancy Lalchhuanawmi
@ Bial Kohhran Pavalai Committee thurel thenkhatte :-
=> Kohhran Pavalai Meet neih hun atan Dt.26th-27th Nov. 2016 a ni ang. A hmun atan Kepran Kohhran a ni ang.
=> Meet ah hian Speaker neih tura rel a ni a, Speaker tur chu a ngaihtuahtu tura ruat ten lo ngaihtuah in lo buaipui mai se tih a ni.
=> Meet Thupui atan “I kawng zawhlai kha chhut ngun rawh”
(Hagaia 1:7) tih chu thlan a ni.
=> Meet Budget atan hian Rs.5000/- chu pawm a ni a, East Phaileng Kohhran Pavalai Budget atan Rs.2000/- a ni ang.
@ Thawhtanni khan Bialtu Pastor H.Zalianchamate chhungkua chu Mualcheng lamah chhungte kanin an zin a, Zirtawpni tlai khan tluang takin an lo haw leh a ni.
@ September Thla Pathianni Zan Inkhawm Thawhlawm khawntu turte :-
1)Nl. Lalhmingthangi
2) Nl.Lalnunhlui
3) Nl. Lalthangmawii
4) Nl. Lalzuimawii
PAGE-2
HRINGNUN : Hlawhtling tur chuan engkim mai hi atchilh a ngai fo thin.
Hmanlai chuan thu te hi an sawi \helh phingpheng a, hlate hi an sa sual rimrem a, mahse dik deh deuhin an nung si. Tunah thung chuan thute hi kan insawi dik siaka, kan in hriat ril siaka, kan nun erawh a lem tial tial thung si niin a lang. Ringutu chu a thiltih a rintlak tur a ni a belhchian pawh a dawl bawk tur a ni.
Kohhran mite hi Khawtlang ah kan tel veka,khawtlang hmel ti mawia ti mawlo thei tute pawh kan ni.
In 250 chuangliam Prebyterian Kohhran hlang deuhthaw ni a in chhal ngam khua hi, khawtlang anga kan hnathawhna ah kan sulhnu a phuailuiai in a chhui tlak loh a nih chuan Kohhran mite kan in enfiah a ngai hle niin a lang.
A thawk tha peihte leh hna uluk zawk deuhte pa rem hrelo pa tal hah leh tuan fum ni a chhala, rem hria leh hna chak zawk chhuanlama, zawmthaw taka hna thawha, hlawh lak nan chauh a hna thawk hming pu nih tum ran chunga chhungkua kan in hnangfak hian kan chawei a tui a, kan mut a tui a, Biak In ah hian kan zaitui vetho ni awm tak a ni a. Kohhran Inkhawm ah lah kan khat hmur reng tho ang lawi bawk si. Lam hlim harhna ringawt changlo hian, kan hnam kan ram Lalpa min pek he kan Zoram tan ngei hian harh a va hun tawh em!!
Khawtlang hruaitute’n mipui mitmei vengin, “Ti vel mai mai rawh u” tiin tawngkam lo nei ta ang pawh nise. Mipui lam chuan, “E...keimahni leh kan ram tan vek tho a lawm” ti a thahnem ngai tur zawk awm kan nih vei nen. Zawh thuai thuai a awmawl thuai thuai kan thlahlel ber mai niin alang.
Kan hnathawh turte a Sample siamsa thlapin, “Hetiang hian tih tur” tia hruaitu te’n an sawi lawm lawm chung pawhin, kan sulhnu erawh mit a tlung lo deuh a nih hmel e.
“An thu lakdan a dik love” tia kan sawi Châna pawlte sawn Zoram dengchhuak khawpin hna an thawk thei a, keini vethung chu kan thu lak dan a dika kan nun dan erawh a dik hlel deuh thung a va ni thei mai awm em!!
Kohhran mite i in bih chiang ang u.
TUNKAR CHHUNG BIAKIN CHOWKIDAR DUTY TURTE
Dt. 29th-August - 4thSeptember
Convener: Pu John C.Zodinpuia
OB i/c - T.Upa Lalrinchhuanga
1. Nl Lalhmuthari
2. Nl Lalrotluangi
3. Nl R.Lalropuii
4. Tv Zosangpuia
5. Tv Lalremsiama
6. Tv Jerome Lalhundika
VAWIIN KOHHRAN INKHAWM
Chawhma Inkhâwm
Tantu : Pi C.Lalnunmawii B-8
Zirlai 32-na : “Thlarau rah”
Chawhnu Inkhâwm
Tantu :Pi Kapthiangi
Thuhriltu :Pi Thangzauvi
Zân Inkhâwm
Thuhriltu : Upa Lalhmingliana
KTP HLAZIR
Vawin S.S Inkhawm banah Centenary Hall-ah Hla zir tur a ni e.
KTP INKHAWM
(Jubilee Concert)
A hmun : Kohhran Centenary Hall
Host :1) Pu John C.Zodinpuia
:2) Nl. Lalhmingthangi
KOHHRAN HMEICHHIA
(Bial No 2-na Night)
Hruaitu : Pi Vanlalngheti
Tantu : Pi C.Tlanthangi
Th.Khawntu : 1) Pi Lalrengpuii
2) Pi P.C Lalremruati
Th.Hlantu : Pi Sangthangi
Thuhriltu : Pi C.Nuzawni
Thurin sawitu: Pi Lalpari
Female voice,
Solo: Np. Lal\anpuii
Zaipawl
NILAINI ZAN
(Ramthar Ni pual Programme-a hman tur a ni ang)
Beihrual Programme
(Thupui :Tlâng chunga Isua thusawi)
Ningani Zân :-
Hruaitu : Rev.H.Zalianchâma
Tantu : Tv. Huntharzela
Thupui : “Kristian nun bul intanna thil pathum”
Hawngtu : Pu Laldintluanga
Zirtawpni Zân :-
Hruaitu : Upa K.Lalchangliana
Tantu : Pi M.S Dawngliani
Thupui : “Kristian nun dân tûr - I”
Hawngtu : Nl. R.Lalropuii
Inrinni Zân :-
Hruaitu : Upa K.Chhungdailova
Tantu : Pu K.Lalrintluanga
Thupui : “Kristian nundân tûr - II”
Hawngtu : Pi Sangthuampuii
ZINGTAWNGTAI INKHAWM
(Tan hun Dar 5:15 a.m)
Thawhtanni : Pu Lalthantluanga Kawlni
Thawhlehni : Pi Nuhliri
Nilaini : Pu H.Lalbiakenga
Ningani : Nl. Lalhmangaihi
Zirtawpni : Pu K.Lalrinsanga
Inrinni : Pu C.Laldinpuia
Pathianni : Upa Zaluta
VAWIIN NAUPANG S.S ZIRLAI
Senior Dept. : Zirlai 31-na
“Augustine-a”
Sacrament Dept.: Zirlai 31-na
“Inneihna”
Inter Dept. : Zirlai 31-na
“Thuthlung Thara Pathian
Kohhran”
Junior Dept. : Zirlai 31-na
“Apollova”
Primary Dept. : Zirlai 31-na “Kum sawmthum leh pariat damlo tih dam”
Beginner Dept. : Zirlai 31-na
“Duli bo”
**************************************************************
KTP HUANG
** Vawiin tlai tawngtai hruaitu atan Tv. Lalthachungnunga a ni ang. Dar 5:45 p.m ah tan tur a ni ang. Member zawng zawngte tawngtaina a tel vek turin kan in sawm a ni e.
** Naktuk Thawhtanni hian Biak In thlangah Bawlhhlawh paihna khur siamin leh Zan a Jubilee Concert neihna tur hmunhma te siam in nileng hnatlang neih tur a ni a, chaw fun tur a ni ang. Member-te thawkchhuak theuh turin kan insawm a ni e.
** Vawiin Kohhran Zaipawl hlazir banah hian Jubilee Concert Sub-Committee Member te leh chanvo nei tur te thuthnufual lawk tur a ni ang.
** Vawiin S.S Inkhawmbanah hian Jubilee Choir ten Biak Inah hlazir tur a ni ang.
** Branch Committee-in alo rel angin Jubilee pual concert naktuk zanah neih tur a ni dawn a, he hunah hian Kohhran mi atam thei ang lo tel turin kan insawm e. Chutihrual chuan inbuatsaihna kal mekah zantin zan rei tak tak thleng sound system nen zir thin a ni a, hei hi mi tamtak tan mut har khawp a tling thei a, chuvangin in mi hriatthiamna kan dil mawlh mawlh a ni e.
Published and Edited by Editor KTP Eng
No comments:
Post a Comment