ZAWLBUK 26/06/2016

ZAWLBUK WEEKY NEWSPAPER
Dt.26.6.2016 (Pahianni)
CHHIATNA KARA KAN |HATNA
MS.Dawngliana Pachuau
Khual khuaah te han awm bo pawh a rilru a cham reng leh riak reng thin kan khua E.Phaileng hi enge kan sukthlek leh kan chet phung hi rilruin a dap a.. Mi vengte thil tih dan leh kan khuaa kan lo tih thin dante khaikhin reng rengin hun hman a awl khawp mai... Khawi hmunah pawh awm ila mahni khua zahpui thin mi chuan a nu leh pa pawh a zahpui thinin ka ring. Chuvangin mahni khua zahpui lo ila i chawimawi zel zawk ang u.
Aizawl leh Zoram hmun hran hranah Chhiatni chung changa YMA te kan chetlak dan a in anglo nual mai a, kan lo tih \hin dan emaw ni kan kal dan (E. Phaileng Branch) hi a YMA hliah hliah hian ka hre \hin.
Mitthi lumen zan a Music Instreument kimchang kan neih loh vang pawh ni em em lovin Mizo lengkhawm hla thluk ngei a kan zai tlaivar (Solfa hla duh a, rawn thlang an awm chuan tui tak a sa thei tho siin) thei thin te kha, kan Mizo irawm chhuak hmang a khawhar hnem nan a hla kan sak hi Hnam zia humhalhna tha tak a va ni em! Zai chung changa Sap tihdan kan lakchhawn chungchang lam chu sawi thui lo mai ila..
Veng thenkhatin YMA khawhar lenpui zan 3 ti siin ruang tlaivarpui zan te an han chhiar tel ta a..!! Khawhar In leh Mitthi In pawh kan thliar hrang ta meuh lo em ni aw..! Hahdam leh awlsam kan zawnna lamah chetphungin Zo\awng kan Kelchal palnawk ta nawk nawk mai..Kan khua ah chuan kan ti ve lo hi mi zingah ka insawitheih phah ve thin.
Y.M.A Khawhar lenpui hunah nu leh pa hun siamte an lo awm leh ta zel bawk a,, YMA (Tlawmngai Pawl) tlawmngai thei mang lova Rundal a thil ti ve mai mai thin karah chhiattawk kan awm a, kan khawtlang a Ruang Thlak zan atang a Thalai fuan khawm thin kha mitthla ah a lo cham a, mite bula sawi a va nuam em!
Kohhran nen inngheng reng a kal thin YMA khan Inkhawm hlanin Khawhar Inah Programme an lo nei ta mai thin te hian “Kristian nun dan tha ngaisang tur a” motto kan neihte min hriat chhuah tir a, a awlsam leh inkhawm velo zawkte ngaihtuah niawm tak a hahdam zawnga rorel duhte tan chuan fak mawina tur a tam thei viau ang. nge inkhawm hi Kristian nundan tha ah an pawm ta lo zawk? Kohhran a inhmang te leh YMA a inhmangte tan chuan sisep a ni berin ka hria.. Biak In aia zalen, thiltha ve tho si a kal chu thalai te duhdan leh pawm zawng tak a ni.. Chuvangin, Inkhawm hlana khawhar Ina kal a ngaih zan tumin hetiang a kal thin veng/khuaah chuan Biak In a phai rawk zelin ka ring bawk. mahni hna leh taksa thatlohna eng emaw harsat tum chu mihring chuan kan nei, mahse kalphung a tana neihah chuan i awt lul lovang u. Hei zet hi chuan kan YMA motto a thelh fai deuh vekin ka hria,, Hunawl hman that tih leh hunawl lo (Inkhawm lai) a programme lo neih te hian midang, Nu leh Pa te lo len vena hun tur a ti chep a, YMA hunah Nu leh Pa te pual siamte a ngaih phah thin niin a lang. Kan khua E.Phailengah chuan YMA member nilo tan leh inkhawm peih chuang lo te tan lo lenna hun remchang kan nei thei thin a ni tih hi.. zak miah lo leh hmai zangthal hahin ka sawi ta fo mai. zawng a nih hi.
Kan khawtlang siam\ha tur chuan thil thar eng emaw kan mamawh a ni maithei. Chu ber ai chuan thil tha kan neih, kan lo chin thin thate vawn nun reng hi a pawimawh tak zet a... Midangte entawn tlak ni thei turin inbuatsaih zel ang u.
CHANCHINTHAR
## Tv Vanlalduata s/o Zorema Buizova Section (Sipai) chu Ni 23.June.16 (Ningani) khan chawlh hmangin a rawn haw.
## Ni 21th.June.16 (Thawh lehni) khan Ni Za inhlawhna hna chu Office lamin measurement anlo chhut sual avang a thawk nawn leh tur a tih chu thawh belh leh a ni.
## Ni 24th.June.16 (zirtawpni) zan atang khan Darlawn Pastor Bial leh E.Phaileng Pastor Bial te chuan Joint Meet an hmang a, zanin hian a tiak dawn a ni. Meet hmangtu ten Tisa leh Thlarau ah hlawkna an chhar ngei kan duh sak e.
## Ni 6th.July.16 (Nilaini) hian Buizova Hall ah MHIP te chuan MHIP Day an hmang dawn a, hetah hian Group inelna neih a ni dawn a, member te lo inbuatsaih lawk turin kan in hriattir a ni. Tin, Programme kimchang chu a remchan chuan karleh Zawlbuk chanchinbu ah rawn chhuah ani ang.
## Naktuk Ni 27th.June.16 (Thawhtanni) zingkar ah hian Electrict Bill mahni pekna theuh ah pek leh tur ani a, pawisa chhe deuh chu pek loh hram tum tlang ila. Tin, pawisa nawi neih hram hram tum theuh bawk ang u.
## Library Building sakna hmanrua tur Thingzai lei fel tawh ani a, hruaitu ten hnatlang an koh hun a hnatlang theuh thei turin member te lo in buatsai theuh ang u.
PAGE-2
Dawntisei
“ “Zalen taka hun hman i duh chuan hlawhtling turin bei rawh.”
Editorial -
Central Sawrkar Prog-ramme pawimawh tak leh mi rethei te’n kan tangkai pui em em MGNREGS chu kan khua pawhin kan hmang tangkaiin kan khawsakna kawng tam takah min pui hle a, kan tangkai pui ang hu hian a thawk chhuak thin te leh a mi mir te hian kan rilru kan la thu taklo deuh em aw a tih theih awm e. Hnathawkin kan chhuak a, lei laih ngaih changa kan hmanraw ken te, mi pa puitling thawh chi a mipa puitling awm reng si in hmeichhia leh upa lam kan chhuak fo mai thin te hi, kan (mi mal) hna pawh thawk thei tawh mang lovin midang hna / vantlang hna va thawh tum tlat ang chi te.Khawtlang hruaitu te’n mipui min ko khawm a, kan hriat awm chi leh tul pawh ngaituah mang lova kan lo phun mur mur mai leh khawilai emaw a kan kal hrang thin te hi sim a hun khawp mai. Kan hruaitute pawh mipui rin ngam nih a pawimawh, Mipui ra-wngbawl tura thlanchhuah kan nih anga kan rawngbawlsak a te hnen thleng phak leh kai rual zawka tih leh kan hriatreng a tha awm e. Thlan chhuah kan nih anga tha taka kan thawh hian kan Damlai lung kan phun emaw kan thih hnuah pawh kan nun rengna tur a lo ni dawn a ni. Khawvel changkang zelah kan khawtlang a lo hnufual bik loh nan hruaitu te leh mipuite i tangrual ang u. A ram leh a felna zawng hmasa ila kan rama thil tha te kan la ei dawn a ni tih hria ila,\hahnemngai leh zualin i thawk ang u.
Y.M.A. HUANG
Ni 21th (Thawhleh) zan dar 7:15 PM khan E.Phaileng Branch YMA Executive Committee YMA Office ah neih a ni a, thurel tlangpui te.
1. Kum 2016 YMA Day chhun leh zan programme kan hman dan te thlir let ani a, chhun lama Section inelna leh member intihhlimna hun kan hman te member ten kan hlutpui em em a, VC,MHIP,MUP ten Day min hmanpui bakah Day puala \anpuina sum min pe kha ropui kan tiin kan lawm hle ani. YMA Day pual a chhungkua pahnih kan \anpui thei leh damlo pakhat kan theia kan awm te kha Branch Committee chuan lawmawm kan ti hle a ni. Tin, zan lam kan programme erawh ruah surin min tihbuai vang bakah member ten kan hlut tawklo niin kan hria a, member te infuih thar kan ngai hle niin kan hria a, Pass kan lawmpui Certificate dawng tur a kan tih ten an hlut tawk lo niin alang. Tin, chhun lam programme kan hman ah tan hun a kan tih ah kan \an mai thei lo te kha Committee member te leh member te pawn \an kan lak leh zual ngai hle in alang. Kum 2016 YMA Day hlim taka kan hmang thei kha lawmawm kan tiin zawngchhang tlak kan ti hle.
2. Library Building kan sak mek sak chhunzawm dan tur sawiho ani a, hmanrua kan neih dan te, hman rua lo ngaituah tur a kan tih te hnen atangin report kan ngaithla a, OB te leh heng mite Pu Lalhruaichhuaha, Pu Challianthanga CM ten kan hmanrua mamawh zat tur ang te lo chhut chhuak in thingzai lo ngaituah tura kan ruat ten chak takin hma lo la se kan ti a, Library Building ah hian Tukverh khar Sarih (7) hawn nise, Tukverh tinah hian ventilation hawn nise, kawngkapui hi hmar lamah alai takah dah nise tih ani a, Chokut chu hun remchang ah hnatlang a siam mai nise tih a ni.
3. Kan Thlanmual kawng hi a chhiat tawh avangin VC ten vantlang inkhawm an koh leh hun ah YMA hmingin mipui te hnen ah thlen nise. Tin, kan Thlanmual alo hnim tak avangin mahni chhungte thlan leh avel te June thla chhung a ti fai theuh turin kan in ngen in kan inhriattir ani.Thlan tihfai saktu nei lo te chu Liana Section ten hma lo la in lo tihfai sak se tih a ni.
4.YMA ten Dak In a Pawisa kan dah chu lak chhuah a lo hun ta a, Aizawl Dak In pui a lak chhuah tur a nih avangin Pu Lalbiakmawia V.President chu a remchan hun ah lo la chhuak tur a tih a ni.
LAWRKHAWM
$$ Central YMA bul tumin Ni 25th.6.2016 zing dar 7:00 khan Aizawl hmar lam leh chhim lam atangin Remna Ni Kum 30 na pualin Rally buatsaih a ni a, A.R.Lammual-ah lut khawmin function tawi te hman a ni.
$$ Ni 25.June.16 zing dar 6:30 a.m khan Buichali kai Tlawng Luiah Sairang Dawr Veng tlangval Lalchhuana s/o Sanga (L) chu a ruang chhar a ni.
$$ Ni 23.June.16 (Ningani) chhunlai pelh hret khan |hawnga Leivir leh Rialin China ram, Jiangsu Province, Yanchen City a nuai nghek mai a, mi 98 velin nunna an chan a, mi 800 vel zet in hliam an tuar bawk a, in pawh a chhe nasa hle a ni.
$$ Britain chuan kum 40 zet alo awm tawhna European Union (EU) chu a chhuahsan ta a, hemi rual hian EU chhuahsan duhlotu Prime Minister tanglai David Cameron chuan ban na a thehlut ve nghal a ni.
$$ Tlawng lei (Sihhmui) kai chu Dt 24th.June.16 khan motor chi tin zawh theihin hawn a ni leh ta.
$$ Euro 2016 chu khelh mek a ni a,nizan atang khan Last 16 khelh tan a ni a,zanin leh nakzan in khel turte:
June 26, Pathianni Zan
6:30 PM France vs Rep 0f Ireland
9:30 PM Germany Vs Slovakia
12:30 AM Hungary Vs Belgium
June 27, thawhtanni
9:30 PM Italy Vs Spain
12:30 AM England Vs Iceland
Copa America Final
June 27, Thawh\anni zing
5:30 AM Argentina Vs Chile
GSA HRIATTIRNA
Vawin chawhnu inkhawm ban ah hian kum 2016-2017 chhung a E.Phaileng GSA hming a Darlawn Zone Football Association hnuaia Affilliation tih tum zawng zawng te chu pass port copy 1 kengin Secretary te in ah kal khawm vek tur a ni. Football a tui mi te chu Affilliation ti vek turin kan in sawm a ni. Tin, Saitual a ADFA Cup a khel zawng zawng ten Jersey arang lam a Secretary hnen ah thehluh vek tur a ni.
Lalhriatrenga
Secretary, GSA
Publish and Edited By: Editor, ZAWLBUK on behalf of YMA East Phaileng Branch