TKP CHANCHIN TAWI

Kohhrana thalaite hi Pathian ram tana nasa  zawka inhmang turleh mumal zawka in enkawl duhna 1940 vel atangkhan hmun hrang hrangah a lo chhuak a. Kohhran thenkhatah phei chuan thalai pawl tha tak an din hial reng a ni. Heng hnu ah hian 30 July 1951 khan Serkawnah kohhran Upate leh Zosap Misisonary te phalna leh kaihhruaina hnuaiah  Thalai Kristian Pawl hi din a lo ni ta a ni.Rampum huap TKP inkawmpui hmasa ber chu 21-23 Oct. 1955-ah Pukpui ah neih a ni. Kum1972 ah Mizoram chu Union Territory ah hlankai ani a, District TKP tih a rem tak loh avangin Mizoram TKP(MTKP) tiin thlak a ni. 1959 ah chuan”District TKP Tuikuk-Takam Ni’atan October ni 5 hman ni se tih a ni a. 1960 ah chuan September thla Thawhtanni hnuhnung ber hman nise tiin a rel leh a. Tuikuk - Takam Ni tih chu huap zim deuhva hriat anih avangin 1969 ah chuan ‘Ramthim Ni’ tiin thlak a ni.Kum 2006 MTKP rorel S.Vanlaiphaia neih chuan May thla ah sawn nise tiin a rel a. BCM in Missionary a tirhchhuah hmasak ber Rev H.Rokhama te nupa tirhchhuah ni 29th May hi TKP Ramthim Ni atan a ruat fel ta a, 2007 atang chuan kum tin RamthimNi hi 29th May ah hman ani ta a ni.TKP hian ama pualin kum tin inkhawmpui a nei thin a. Kum 1986 hnu lamah chuan kum khat danah inkhawmpui hi neih thin a ni. Kum 2010 atang chuan kum hnih danah inkhawmpui neih thin nise tiin rorelna chuan a ruahman leh ta a. MTKP hian ram chhung leh pawn hmun hrang hrangah rawngbawlna leh inkhawmpuiah te palai a tir bawk thin.  India ram pawnah vawi sawm zet chu inkhawmpui leh Leadership training-ah te palai a tir ve tawh a ni.Thalaite thlarau nu tiharh tur leh thlarau lama hnungtawlh leh tanpui ngaite tiharh a tanpui turinTKP hnuaiah Evangelical Cell din a ni a. Unit hrang hrangah tangkai taka hman a ni. Tin, Thalai, kum lama la naupang zawk ten ngampa zawka TKP huanga an rawn zuan luh theih nan Unit hrang hrangah Junior TKP kalpui ani bawk.TKP te hian kan thutiamah khawtlang that nana inhmang tutakan intiam avangin kan theih tawkin khawtlang thatna tur leh hmasawnna turin hma kan la ve thin a. Blood Donation te, Environment humhalh kawngah te, khawtlang mi harsa zawkte chhawmdawl leh khawtlang faina kawngah te hma lak thin a ni.Kum 2010-2011 inchhiarnaah khan TKP hi Pastor Bial 69 ah Unit 374 neiin member zawng zawng hi 35,198 kan ni a. BCM hnuaiah bial siam belh anih avangin tunah chuan bial 72 kan lo awm ve ta a, member pawh kan pung chho ve zel a ni.

as on... 2011