Tin khawrpum Ina khawsa ve naw naw, a pa lo nei mi (a hnuah Municipal Gardenar) leh zu in mi ni bawk (thenkhat chuan zu ngawlvei angin an sawi), a nu mi Ina tirhkah leh Cook anga inhlawh ve lawp lawp thin a ni. A chawr chhuahna tlawm hle mahse khawvel infiammi zinga hlawhtling, hausa leh lar berte zinga rawn inhlangkai thei, mi tam takin kan chenna planet chhunga football chhuih thiam bera an ngaih hial, mi bik leh mi ropui Cristiano Ronaldo "CR7" chanchin ngaihnawm zual thenkhatte i lo tarlang mai mai dawn teh ang. Catholic chhungkua atanga seilian Ronaldo hi a hming pum chu Cristiano Ronaldo dos Santos Aveiro a ni a, Funchal, Madeira, Portugal-a piang a ni. A pian hun chu 5 February 1985 a ni.
.
1. Ronaldo hi pa in vawng tak mai a ni a, meizial a zu lova, zu pawh a in lo. A zu in loh chhan hi zu vanga boral a pa a hriatchhuah tir thin vang a ni. Tin, meizial leh zu hi khawvela footballer tha ber a nih tumna kawnga dodaltu lian takah a ngai nghet tlat.
2. A hminga 'Ronaldo' tih a tel chhan chu a pa hi American Actor leh President hlui Ronald Reagan ngaisangtu a nih vang a ni.
3. Rawlthar kum 12/13 vel a nih laiin School-a an zirtirtu pakhat chu Chair-in a vawm a, School atangin an hnawt chhuak. Kum 14 a nihin Football luh chilh turin thu tlukna a siam phah. "Kan zirtirtu khan kan retheih vangin min hmusit niin ka hria a, min zah lo em a ni," tiin a vawm chhan a sawi.
4. Infiammi te zingah, a bik takin footballer zingah ngat phei chuan an taksaa tatoo chhu kai miah lo chu an tam hauh lovang. Mahse, Ronaldo hian a taksa khawi lai hmunah mah tatoo zu chhu kai hauh lo a! A tatoo duh lohna chhan hi a chhuanawm riau lehnghal- kum tinin thisen tum hnih a pe ziah thin a, tatoo a neih chuan a pe thei dawn tawh lo a ni.
5. Sporting Lisbon a a coach hrawn hmasak ber, Paulo Cardoso chuan, "A inkhel lai ka hmuh hmasak ber kha ka theihnghilh thei ngai tawh lovang. Ka assistant hnenah a ball thiamzia hahipin ka hrilh a, football khawvelah hian a cham rei tur zinga mi a nih thu leh a la din chhuah tur thute pawh ka hrilh tel nghe nghe," tiin Ronaldo chungchang a lo sawi tawh a ni.
6. A tleirawl laia a football practice dan hi a hautak tiah tiah kher mai..A ke tawn tawnah thil rit tawn bet chungin ball chawh a zir thin a, rit nena duh tawka ball a chawh kual theih phawt chuan, rit tel lova a ball chawh a rang lehzual thei dawna a hriat vang a ni. A thlawn lo chu a nih hi maw..!
7. Manchester United in an lakluh hma lawk khan, khatih hunlaia Ronaldo club Sporting Lisbon leh United ten exhibition match an nei a, he match ah hian Ferguson-an John O'shea chu Ronaldo chang turin a ti a, Ronaldo hian a lo chhaih hah ngang a ni ang, half time-ah John O'shea chu mask a oxygen hip tir a ngai hial.
8. Manchester United hian an jersey no 7 hi an mi bik player te an hak tir thin. United mi ropui Bryan Robson, Eric Cantona, David Beckham etc te lo hak tawh thin a ni. Mahse Ferguson-an kum 18 mi Ronaldo hnena jersey no 7 a rochun tir dawn khan a inngaihtuah nawn loh thu a sawi a ni.
9. Chawhruala NBA player te ho zuan san zawng lakin, anni aiin Ronaldo 7cm in a zuang sang thei zawk. Awm hmun atanga a zuan hian 44cm a sangin a zuang thei a, run-up a lak phei chuan 78cm laia sangin boruakah a per kang chho thei. A ball pet pawh a na ngang mai, free kick hi 130 kmph a chakin in a pet kawh thei.
10. Sumah pawh a buai lo fu.. US President Barack Obama in kum khata a hlawh zat hi, Ni 6, darkar 9, minute 17 leh second 5 chhung lekin a la lut daih.
11. Naupang damlo pakhat, zai ngai, pawisa nei si lo zai nan $83,000 zet a lo pe tawh.
12. Kum 2011-a a Golden Boot dawn atanga a sum hmuhte chu Palestine naupang retheite tan a lo hlan daih tawh.
13. Ballon d'Or Award a dawn khan, naupang chanhaite panin, hlim takin Award lawmna hun a hmanpui.
14. Ronaldo hian ama pualin Museum a nei ngat!
15. A hmeichhe kawp tawh nia an sawi zingah hian Bollywood actress Bipasha Basu pawh a bang bik lo
No comments:
Post a Comment