KTP ENG 4/9/2015

KTP ENG Weekly Newspaper
Dt.4.9.2016 (Pathianni)
thlarauva khatte lan chhuahna
- Upa K.Thangsiama
“Tin, Uaiin ruiin awm suh u, chumi ah chuan in sum theihlohna a awm si a; Thlarauva khatin awm zawk rawh u” (Ephesi 5:18)
Uaiin ruih ching tawh suh u, chhiatna bul a ni e, Thlarauva khatin awm zawk rawh u. Khat kan tih hi a in ang lo thei viau awm e. Muller-a chuan, “A khatliam ka dawng senglo,” a ti a. Mi tam tak ten, ‘Tunlai chu i va han khat tak em’ emaw, ‘ka khat hliah hliah mai,’ te kan ti thin a, khat tih loh rual zawng a ni love. A mah erawh chu khat hle a kan inhriat lai hian kan lo phai kur duh khawp mai. Mi thenkhat chu kan khat hliah hliah mai a, in sumkar nei lek lovin kan sawi bawrh bawrh mai, mahse, kan sawi chhuah chuan mite tih dam aiin, kan hliam leh phung mai thin. Damawi rimchhia saidawium a mi, a chhin hawn a mi ur hrehawm ang mai in kan khatliam rim hi a tuilo viau thin. Lal Isuan, “a thinlung robawm chhia ata thil chhiate a theh chhuak a; mi tha erawh chuan a thinlung robawm tha ata thil thate a theh chhuak thin,” a lo tih angin, eng emaw zawngin kan lo khat a ni maithei. Amaherawh chu, Thlarau Thianghlimah erawh chuan kan lo phai hle thei thin. Phai hle a engmah nilova kan in hriat lai hi kan khah lai a ni duh viau nia.
1. Lalpa rin nghehnaah : Nova chuan, Vawikhat Lalpa aw a hriat chu hrilh nawn fo ngai tawh lovin a ring ngar ngar mai zuk nia. Chutiangin, thlarauva khatte chuan an chhandamtu atana vawikhat an rinna kha, ka ringhlel lehta, ka lo piangthar meuhlo a ni ang tihang hni hne a nei lova; zirtirna diklo thlipui lo hrangin, mite nghing dual dual mahse la, ka rinna chu ka hria, an ti mai \hin. Chandam nan mai nilovin, engkimah Isua a n ring ngam a, an hmaah thlemna thlipui tlehin , tuifawn ko bur bur mahsela, an hmaa tuifawn lam an en duh lova, an bula Isua an en mai a, an thlamuang siah mai a ni.
2. Thlamuanna ah: Isuan, “Thlamuanna ka pe a che u, Khawvelin a pek ang cheu in ka pek loh che u hi,” a tih angin, khawvelin a pek tawn chawp thlamuanna ni lovin, Lal Isuan sual lak ata a chhan chhuah tawh avangin Setana leh hremhmun hlauvin an phi ve ruai tawh lova, Kraws-ah Lalpa’n Rul lu a vaw thi tling tawh tih hriain, Pathian kan lam a tan chuan tuin nge min do thei ang, an ti mai a. Anmahni do tur a ni lova, hnentu Krista zawkin a hneh tawh a, a hneh mai ang tih an ring mai a. Krista hmangaihna ata chu hrehawmnate, mangannate, tihduhdahna te, tamna te, saruakna te, khandaih te pawhin min then lovang. |hen suh e, chung zawng zawngah chuan hnentu avangin roupia hneha ngamtu kan ni an ti mai a, an chawl hahdam hmiah mai a ni.
3. Chhia leh tha hriatna nghet an neihah : A chhia leh tha hriatna an neih chu tui fima bual ang maiin a fima, miten tangka lem zuarin chanhintha dang hrilh mahsela an nghet tlat mai a, an insawn ve dun dun ngailo.
4. An duh zawng ah : An thinlung chu thlakthleng an ni tawh a, thinlung thar an put tawh avangin an pu hlui duh zawng kha an duh tawh lo va, anmahni tlantu duh zawng chu an tawmpui tawh avangin, sual an duhlova tha lam hlir an duh tawh avangin, mi thenkhat, Thlarauva in sawi khat viau siten sual lam duhna an ban chuanglo ang hi an ni ve lova, chanchintha zirtir dan anih phawt chuan a tui emaw, tuilo emaw, a nuam emaw, nuamlo emaw, an chaw tui a ni thin.
5. An thil tih ah : Miten tih an chak leh tih nuam an tih ang hi an pa duh zawng a nih loh avangin, Thlarauvah insum theih na an nei a. An tlantu duh zawng tih leh a hnathawh zawh tur chu tih nuam an tih zawng leh an chaw tui a ni a, Khawvel mite nun atang chuan Thlarauva khatte nun chu a inletling mai a, khawvelin lawmlo mahse, Lalpa thupek ang chu huai takin an ti in an sawi zel mai thin a ni.
Khat nun chuan a tihhnem poh leh ti tlem a in ti a. Mahni vui dar a vaw ve vung vung ngailo. Mahni aiin midang tha zawkah a ruat a, miten tling leh tha an ti lawi si. Chutiang chuan ‘Thlarau Thianghlimin khat rawh u’ Bible chuan min ti a ni.
KOHHRAN & TUALCHHUNG
@ Zan lam Kohhran Inkhawm Dar vuak hun sawn a lo hun leh ta a, September Thla atang chuan Dar hmasa 6:15pm - Tan dar 6:45pm a hun hman tawh tur a ni ang.
@ Pathianni hmasa khan Kohhran chhungkuate’n malsawmna kan dawn atangin, Pathianram Ip lakkhawm a ni a, aluh dan hetiangin :-
Ip lut zawng zawng Ip 188
Pathianram Rs.50108
Ramthar Rs.31066
Tualchhung Rs.52527
Building Rs.27090
TOTAL Rs.160791
Buhfaitham Rs.23625
P.E.S Pual Rs.2770
Grand total Rs.187186
@ Pathianni hmasa khan Ramthar pualin Thiamthil thawh khawm a ni a, Rs.2540 lai mai kan lei chhuak thei a ni.
@ Vawiin chawhnu inkhawm banah Kohhran Pavalai Pawl te Kohhran commitee room-ah committee tur a ni ang.
@ Zirtawpni Zan khan Naupang S.S Inkhawmpui Rehearsal neih ani. Karleh Ni 11 September ah khian Kepran Kohhran-ah inkhawmpui neih a ni ang.
@ Kohhran Committee Thurel tlangpui te :-
=> Kohhran chhungkua atangin Synod ah Endowment Fund dilpui turin chhugnkaw Pahnih thlanchhuah an ni.
=> Biakin Tuizem thuah fai nise, K.T.P ten lo hma maise tih a ni.
=> Kum 2017 Tuirini Presbytery chu kan Kohhran-a nghah tura dil nise, heihi Khawtlang nghawng thil a nih a vangin, Khawtlang hruaitute hnenah thlen phawt nise tih a ni.
=> Naupang inkhawmpui Kepran Kohhran-a neih turah Motor hman man tum sak nise, Motor lo ngaihtuah turin Sunday School Committee-te ruat an ni
=> Kohhran chhungkua damlo kan inkan tawh thin angin, Rs.1000 a damlo kan leh nise.
PAGE-2
HRINGNUN : Inhnial tur chuan mi pahnih an awm a ngai a, a diklo zawk chu a tawng nasa anni zawk fo thin.
Editorial -
Pathian-ah chuan thut hahchawlhte, dinte,kalte i zir tawh anih chuan i tan tlan hun arawn her thleng tawh a ni. Davida chuan Pathian kawngah chuan kal mai chauh pawh nilovin a tlan thu a sawi a. Nghet taka tum tiruhin intlansiakna a tlan tur chuan i inpeih tawh em ? I tum thleng thei turin i dawhtheiin i tum aruh tawk em ?
Paula hun lai chuan intlansiak tur te chuan an puanven an sawi chhing thina. Chutiang chuan Pathian nen intlansiaknaa tlan thei turin i ke pen dal theitu i ching fel tawh em ? Intlansiaknaa tel chuan hnehtu ni turin a intlansiakna kawng chauh a thlir tur a ni. Tlan tura thutlukna siam hi thil lian tham deuh mai ani a, hlawhtlingtur chuan thutiam nasa tak pawh a mamawh tel bawk a ni.
Thlarau lama i ngaihpawimawh turte chu a indawt dan a fel em ? Indawt dan fel tak a nih loh chuan tun hi thutlukna siamna hun thatak a ni a. Pathian chuan i intlansiakna kawng tur chu a nei a, a ruahmanna pawh hnehtu ni turin a ruahman che a ni.
Mahse thut te, dinte, kalte zir a ngai a, chhungril chawlh hahdamna nen tlan dan i hriat chuan i in tlansiaknaah chuan hnehtu ini thei ang.
TUNKAR CHHUNG BIAKIN CHOWKIDAR DUTY TURTE
Dt. 5th-September- 11thSeptember
Convener: Pu John C Zodinpuia
O.B Incharge: Pu PC Lalronunga
1. Nl Lalnunhlui
2. Nl Lalruatkimi
3. Tv Lalthansanga Renthlei
4. Pu Jonathan Lalbiaksanga
5. Pu K Lalremruata
6. Pu Lalnghakrenga
VAWIIN KOHHRAN INKHAWM
Chawhma Inkhâwm
Tantu : Pi C.Nuzawni
Zirlai 33-na : “Thlarau thianghlim tirhkohte thurawn”
Chawhnu Inkhawm
Hruaitu : Upa Zaluta
Tantu :Pi Lalhmingmawii B-7
Thupui : “Hmelmate hmangaih”
Sawitu :Upa Lalnghinglova
Zân Inkhâwm
Hruaitu : Upa Mangchhuana
Thupui : “Tawngtai dan dik”
Sawitu : Upa K.Chhungdailova
KTP HLAZIR
Vawin S.S Inkhawm banah Centenary Hall-ah Hla zir tur a ni e.
Chawhnu Inkhâwm
Thawhtan Zan Inkhâwm
Hruaitu: T.Upa Lalrinchhuanga
Tantu : Pu Zorikhuma
Thupui : “ Evangelism awmzia sawi zauna”
Hawngtu: Pi K.Lalhmachhuani
Thawhleh Zan Inkhâwm
Hruaitu: Upa Vanlalpara
Tantu : Pi Lalremkimi
Thupui : “ Direct Evangelism hmanga rawngbawl”
Hawngtu: Pi K.Malsawmi
Nilai Zan Inkhâwm
Hruaitu: Upa Vanlalthanga
Tantu : Pu Vanlalroluahpuia
Thupui : “ Indirect Evangelism hmanga rawngbawl”
Hawngtu: Pu PC Lalchuailova
Ningani Zan Inkhâwm
Hruaitu: Upa Lalnghinglova
Tantu : Nl Lungtiawii
Thupui : “ Mithiam zawkte cho chhuak tura hmalak”
Hawngtu: Pi Lalhlimpuii B-5
Zirtawp Zan Inkhâwm
Hruaitu : T.Upa Zoramthara
Tantu : Pu Jerusalemthara
Thupui : “Missionary-a chhuak tura inbuatsaihna tha neih”
Hawngtu : Nl. Lalthlamuani
Inrinni Zan Inkhâwm
Hruaitu : Upa Lalhmingliana
Tantu : Pu Sailianpuia Sailo
Thupui : “Thawktute training thazawk neihpui zel”
Hawngtu : Pu KV Tlangmawia
ZING TAWNGTAI INKHAWM
(Tan hun Dar 5:15 a.m)
Thawhtanni : Pu Rokima
Thawhlehni : Pi Lalramchhani (Rc-i)
Nilaini : Pu Richard Vanlalsanga
Ningani : Pi Sangthuampuii
Zirtawpni : T.Upa Vanlalthara
Inrinni : Pi Rothangpuii
Pathianni : Upa K.Chhungdailova
KTP HUANG
** Vawiin tlai tawngtai hruaitu atan T.Upa Lalrinchhuanga a ni ang. Dar 5:30 p.m ah tan tur a ni ang. Member zawng zawngte tawngtaina a tel vek turin kan in sawm a ni e.
** Vawiin hi Faith Promise lakkhawm huna lo ni leh ta a, Member-te kan intiamna te ngai pawimawh a lo pe leh theuh turin kan in ngen thar leh a ni e
** Thawhtanni khan Biak In Compound Bawlhhlawh paihna siama nileng hnatlang neih a ni a, Member 58 kan thawkchhuak thei a ni. Bawlhhlawh paihna hi la zawh fel loh niin, hun remchangah siam chhunzawm leh beisei ani a, siam zawh hunah chuan hetah hian bawlhhlawhte halral zel tawh tur a ni ang.
** Thawhtanni zan khan Jubilee Concert chu tluang taka neih niin, ropui taka hman zawh a ni a, hemi pual Bawm dawh ah Rs.5000 chuang lai mai a tlingkhawm thei a, thawhlawm min thlak sak tute zawng zawng chung ah lawmthu kan sawi a ni.Tin, he concert hlawhtlin theihna tur hian musician leh zaite leh host-te inpekna a ropuiin an chungah lawmthu kan sawi tak meuh meuh a ni.
** Branch Thlathar Committee Vawiin chawhnu inkhawm banah Kohhran Centenary Hall-ah neih tur ani ang. Member te’n ngaihpawimawh nise.
**Vawiin chawhma inkhawm banah Diamond Jubilee choir ten a hmun ngaiah hla zir leh tur a ni ang. Member te’n ngaihpawimawh nise.
$$ Thinchhiat hi atna chi khat a ni a, inhnialnaah hnehna chang zawk in awm anih chuan i kawppui ni zawk thin rawhse.
$$ Bible hi kan hriatna ti zau tu atan pek kan ni lova, kan nun thlakthlengtu atana pek kan ni.
Pathian hnathawh ropui tak lo thleng thin hi tawngtai reng thin mi tu emaw lo awm nen chhui zawn theih a ni thin. - DL Moody
$$ Pathian tana thil ropui tak tih tumnaah Pathian atel siloh chuan a hlawhchham. - John Edmund Haggai
VAWIIN NAUPANG S.S ZIRLAI
Senior Dept. : Zirlai 31-na
“Martin Luthera”
(Department dangte chu Naupang Sunday School Inkhawmpui inbuatsaihna atana hman tur ani ang)

Published and edited by Editor KTP Eng

EAST PHAILENG

BLOG CHUNGCHANG

BLOG LOGO: Rawng chi hrang hrang hian mipui te min entir a; hmunkhata luangkhawma kan tanrual chuan kan lang mawi leh zual ang. Tanrual chu chakna ani si. 

Kan hriat theuh ang in khaw hming chawia siam EAST PHAILENG blog ( Website te nau )- chu siam zawh alo nita a.

A hmasa ber ah chuan Pathian awmpuina nasa tak ka chang a; hriselna tha tak te min pek avangin Pathian hnenah lawmthu ka sawi duh ani.

He blog hi Ni 2nd June, 2016 atang khan siam tan niin; kimchang lo takin thu te pawh dah luh zeuh zeuh ani. A layout coding ziah nen hun a duh rei ve em em mai a. Tichuan, Pathian awmpuina vang liau liau in ni 2nd September, 2016 khan siam zawh alo ni ta ani.Thla thum chiah chiah hun ka hmang tihna anih chu.

He Blog EAST PHAILENG hi enkawl kawngah theihtawpin tangrual ila; Admin. tur dang mi 5 vel mamawh ani a. Heng mi te hi hrilh hmasa lem lo in ka han sawm nghal tawp mai ani e.

1. Vanlalhruaia Kawlni

2. R. K. Lalhmangaiha (Zawlbuk Editor)

3. Lalthachungnunga (KTP Eng Editor)

4. M.S. Dawngliana Pachuau

5. Vanlalhlua

6. Lalchhanchhuaha Colney

YMA CHANCHIN TAWI

YMA chanchin, thil tum leh Official colour awmzia kan hriat tlan theih nan YMA nihphung leh din dante i zir teh ang u. Kan Mizote culture-a bel tel tlat leh pawimawh em em mai a nih avangin, hriat chian loh hi a awm lo hial zawk tawh a ni. chuvangin, kan zavaiin i chhiar vek ang u.

YMA chu Mizorama non-profit,secular, non-governmental organisation lian ber a ni. Ni 15 June 1935 khan Young Lushai Association (YLA) tia din a ni a, kum 1947 ah "Young Mizo Association" tia thlak a ni. Welsh Christian missionaries te khan Mizo cultural chhawm nun zel nan a pawimawh tih hriain bul a tan a ni. Indian Societies Registration Act (XXI of 1860) hnuaiah SR Ni.4 of 1977 niin ni 14 May 1977 khan ziah luh a ni a. He association 'YMA' hi central committee (Central YMA) in a kaihruai a, Aizawl ah Headquarters pawh dah a ni. Headquarters hnuaiah hian sub-headquarters panga a awm a, 47 groups leh 772 branches a awm bawk, chu chuan Mizoram pum pui leh Assam,Manipur, Meghalaya, Nagaland, Tripura-a Mizote a huam tel a ni.

TUNHMA CHUAN..
Kum 1935 ah meuh chuan Christian-na pawhin Mizote nunphung a rawn thlak hle tawh a ni. Mizote inkaihhruaina hmun Zawlbuk pawha tawp ta a. Inkhawm ban, Thawhtan tlai ni 3 June 1935 ah, thli leh ruah sur avangin, Welsh missionaries te leh kohhran hruaitute chu Miss Kattie Hughes (Mizote chuan Pi Zaii an ti) in Aijal-ah (Tuna Aizawl hi) an tlan lut hlawm a, chutah chuan thingpui in pahin, an ti ti ta a. Mizotena, Mizote inpumkhat lehzual nan association neih an mamawhzia sawiho vin, din an rel ta a ni. A hmingah 'Young Mizo Christian Association' tih ni se an ti a. Mahse, Rev David Edward (Zorema Pa) chuan Wales rama Young Wales Association zulzuiin, "Young Lushai Association" tih chu a hmingah a rawt ta zawk a . An pawm tlang hle a, ni 15 June ah din ni se an ti ta a ni. Tichuan, a hnuaia mite hi an kalkhawm ta a:
1.Rev David Edward
2.Upa D. Thianga
3.Rev L. Evans
4.Upa Chawngzika
5.Miss Kattie Hughes
6.Pu Muka
7.Rev Chhuahkhama
8.Pu Vankhuma
9.Pu L. Kailuia
10.Pu L.H. Liana
11.Upa Ch. Pasena


YLA chu ni 5 June 1935 khan Nepali School, Sikulpuikawnah, puithu taka bati chhi chungin an din ta a, hruaitu pawh an thlang nghal a ni. Branches pawh khaw tinah siam a ni ta thuai bawk a ni. India sawrkar pawh chuan political party thar Mizorama din ve turin a fuih a. Hetih lai hian YLA hi organisation awmchhun a nih lawng avang hian, kum 1945 khan YLA chu political party hmasa ber ni ta mai se a tha ang a an ti a. Mahse, central committee chuan an duh ta lo va. chuvangin, political party thar, "Mizo Union" din a ni ta a ni. Tichuan, "Mizo" tih chuan awmze thar a nei ta a, "Lushai" tih aichuan a huam pawh a zau ta zawk a, abakah, chu chu Welshs hovin "Lusei" tih an kohsualna mai a ni. A hnuah, central YLA committee chuan YLA chu "Young Mizo Association" (YMA) tiin ni 7 October 1947 ah a thlak ta a ni.


YMA Thiltum (Aims and objectives) :-
1) Hun awl hman that (Good use of leisure)


2) Zofate hmasawnna ngaihtuah (Development of the Mizo society)


3) Kristian nun dan tha ngaihsan (Revere Christian ethics)


YMA official colour chu rawng chi thum, a khamphei zawng (horizontal stripe)-a intiat vek a ni a, Heng rawng chi thumte hi YMA Flag-ah pawh hman a ni. Hman lai, Mizotena rawng an siam thiam ve hmasak berte an nih avangin, heng rawng pathumte hian chu chu a entir a ni. A chung berah rawng Sen (red) a awm a, chu chuan YMA larzia leh enna a entir a. chuvangin, YMA chuan khawtlang tan nasa takin hna a thawk a, a hnathawh that em avang chuan pawl lar tak leh mite hriat hlawh tak a ni tih a entir. A laia rawng Var (white) chuan thianghlimna a entir a. chuvangin, YMA chu Tlawmngai pawl a ni a, mi rethei, hausa pawh a huam vek a, thlei bik nei lovin mipui a kaihruai thin a, chuvangin, a kaihhruai dan chu a thianghlim a ni. A hnuai ber rawng Dum (black) chuan retheihna (poor), beidawnna (despair) leh hmuingil lohna (hapless) a entir a, chu chuan chanhai, riangvaite tanpuitu a nihzia a tilang a ni.


Young Mizo Association chuan monthly magazine a tichhuak ve thin a. chu chu october 1973 atanga YMA Chanchinbu a ni. 10,000 copies lai a ni bawk. chu bakah, YMA chuan English News a tichhuak bawk a ni.


YMA-in Chawimawina Lawmman a dawn leh hriat a hlawhna (Awards and recognition):-
1) Indira Priyadarshini Vrikshamitra Awards of 1986 chu, Ministry of Environment and Forests,Government of India atangin a dawng.
2) Excellence Service Award pawh Government of Mizoram atangin kum thum a zawnin, 1988, 1989 leh 1990 khan a dawng.
3) Indira Gandhi Paryavaran Puraskar chu kum 1993 khan Ministry of Environment and Forests, Government of India atangin a dawng.
4) Prevention of Alcoholism and Substance (Drug) Abuse-ah National Award "Best Non-Profit Institution" pawh Ministry of Social Justice & Empowerment, Government of India atangin a dawng. award hian medal a keng tel a, citation leh pawisa (cash) Rs.400,000 nen a keng tel a ni. Award chu Pranab Mukherjee,President of India in, Vigyan Bhawan,New Delhi ah ni 26 June 2013 khan a hlan a ni.

KTP CHANCHIN TAWI

1. November 27, 1953 zanah Teachers' Training School-ah Aijal mi pawimawh deuh deuhte leh thingtlang Middle School Staff te'n Kohhran chhunga thalai awmte mumal nei deuh taka suihkhawm a, Krista rawng bawl tura an mawhphurhna hriat chiantir lehzual theihna turin pawl an din a, Provisional Committee an siam a, hei hi KTP lo din chhuahna bul chu a ni a. Synod Standing Committee-ah an thlen a, Synod Standing Committee chuan 16.2.1954-ah rem an ti a (SSC thurel no.3).

• Mumal taka KTP din ni hi record hmuh a nih mai loh avangin Central KTP chuan tihchian tula hriain chhui \hin a ni a, hruaitu hmasate an kawm atangin a ni chiang taka hriat theih an nei lo a, document pawimawh hmuh chhuah a ni lo bawk. Chuvang chuan February 23-26, 1989 chhunga General Conference, Khawzawl Venglaia neihah chuan February 22, 1954 chu KTP din tan hun, KTP Day atan pawm a lo ni ta a.
• Kum 2005 khan Central Kristian |halai Pawl (K.T.P.) chuan KTP Day atan hian ni chi hrang pathum awm thei- February 27, 1953- Provisional Committee an siam zan; February 26, 1954, Synod Standing Committee-in an rel ni leh February 22, 1954, KTP Daya hman mekte hi tihchian \ula hriain Synod Executive Committee-ah a thlen leh a. SEC chuan February 22, 1954 hi KTP Day atan a nemnghet fel ta a ni.(SEC) February 22, 1954 hi KTP din tura an thutkhawmna hmasa ber ni loin Synod Standing Committee-in an rel hnua an meeting neih hmasak ber ni a ni thung.
• Hruaitute chu Provisional Committee an dina mite kha an ni. A din ni leh a din dan hi heti teh nuai a nih avang hian hruaitu hmasate pawh hi a chiang mawh ta hle a, chi hniha tarlan mai a chi awm e, hetiangin:
• Provisional Committee hruaitute (27.11.1953-24.9.1954)
• Chairman : Pu O.W.Owen
• Vice Chairman : Pu Lalthankima
• Org. Secretary : Nl. Zokhumi
• Asst. Secretary : Tv. Luka
• Treasurer : Pi Owen-i
• Committee Members:
• 1.Tv. Vanlalkunga, Dawrpui
• 2. Pu Thanhnuna (Ztu), Venghlui
• Hruaitu thlan hmasak te:
• September ni 24,1954-a General Conference hmasa bera hruaitu an thlan te chu hengte hi an ni.
• Chairman : Rev. O.W. Owen
• Vice Chairman : Pu Lalthankima
• Organising Secretary : Nl. Saptawni
• Assistant Secretary : Tv. Vanlalkunga
• Treasurer : Mrs. O.W. Owen
• Financial Secretary : Nl. Thangpuii
• Committee members :
• 1) Nl. Denghlunchhungi
• 2) Nl. Rinkimi
• 3) Nl. Zokhumi
• 4) Tv. Dawngliana
• 5) Tv. Pachhunga
• 6) Tv. Thanhnuna
• 2. K|P thupui atan ‘Rawngbawl tura Chhandam’ (Saved to Serve) thlan a ni a. Bible chang innghahna atan II Timothea 2:3 hman a ni a. Hemi hnu lawkah hian remchang zawka ngaiin Ephesi 2:10 hman a ni ta zawk a ni.
• 3. K.|.P hian thiltum pali a nei a, chungte chu -
• i) Isua Krista rinna leh amah anna kawnga \halaite hruai
• ii) Kohhran kutke ni tura \halaite buatsaih
• iii) Kohhran hnathawh tihpuitlin
• iv) Krista Chanchin |ha puan darh
• 4. Kristian |halai Pawla tel turte chu Presbyterian Kohhran chhunga mi an ni tur a ni a. Kum 14-40 thleng he pawl thiltumte pawma tel duh apiangte chu member-ah tel theih a ni a, kum tin member lak thar \hin tur a ni.
• 5. Inkaihhruaina Dan tawi fel tak siam a ni a, hei hi Synod Executive Committee pawmpuia siam a ni. K.|.P. Inkaihhruaina Dan hi kum 1954, 1962, 1969, 1974, 1978, 1982, 1985, 1990, 1995, 1999, 2004-ah ennawn leh chhut \hat a ni tawh.
• 6. Central KTP hruaitute hi KTP General Conference-ah thlan a ni \hin a. Mi pakhat tan term hnih (kum 4) bak chelh theih a ni lo. Leader leh General Secretary erawh chu Synod Executive committee ruat a ni.
• 7. Central KTP hian lehkhabu eng emaw zat a chhuah tawh a. Ram pum huapin Essay, Drama leh Hla inphuahsiakte a buatsaih bawk \hin. Central hruaitute hian ram chhung leh ram pawn hmun hrang hrangah - Leadership Training, Workshop, Consultation, Seminar, etc. neiin an zin chhuak \hin a. Kum tin K.|.P. General Conference a huaihawt bawk \hin a, S.E.C. remruatnain kum 2005 atangin kum khat danah a huaihawt ta thung a ni.
• 8. KTP-in kum puan a neih tawh dan hetiang hi a ni:-
• 1987–88 - Mizorama Hnam dang ringlomite beihpui kum
• 1989 - Missionary Year
• 1990 - Zuk leh hmuam do kum
• 1991–93 - Mahni intodelh kum
• 1994 - Pathian thu zir uar kum
• 1995–98 - Kristian chhungkaw kum
• 2000-2001 - Kristian Nun - Thianghlimna kum
• 2002-2003 - Rinawmna
• 2004-2005 - Lalpa tih
• 2007-2008 - Lalpa tih
• 2008-2009 - Kristian Nun - nghehna
• 2009-2010 - Rorelna Dik
• 2010-2011 - Member Hlate Hnuhhnaih
• 2011-2012 - Thuawihna
• (Kum puan ni chiah lo, ram pum huapa hmalakna vawi eng emaw zat neih a ni bawk).
• 09. Mizoram Synod Choir, kum 1983 atanga din (KTP bikin a din tak chu 1985 a ni) chu Central KTP hian a enkawl a, zaipawlte rawngbawl dan tur hi a ngaihtuahsak \hin a ni.
• 10. Kristian Thalai Pawl chanchinbu ‘Kristian |halai’ hi kum 1970 a\ang khan chhuah a ni a. 1979 atangin thla tin tluang taka chhuah a ni a.
• 11. KTP chhinchhiahna (Emblem) mawi tak 1992-ah siam a ni a. Bial leh Branch tinte tan Flag, Emblem chuang siam a ni bawk.
• 12. KTP hi Presbyterian Youth Fellowship (P.Y.F.)-ah leh North East India Christian Council Youth Assembly (N.E.I.C.C.Y.A.)-ah telin a hnarkaitu pawimawh tak a ni reng bawk

AMBUSH IN THE SKIES

Israeli Air Force in War of Attrition

_ _ _ 1967 Six Days War ah Israeli Defence Force te chuan hnehna chiang zetin in an chang a, ni ruk chhung lekin an mahni beihrawn tu Egypt, Syria leh Jordan ramte hnehin Israel ram let thum zet a zau Sinai Peninsula, West Bank leh Golan Height te a chhuhsak hman bawk anih kha. Khawvel mithmuha mualphona nasa tak an han chang kha Egypt President Jamal Abdel Nasser-a zak leh thinrim bawk si leh Sinai Peninsula a hlauh bawk nen engti kawng zawng pawh a Sinai Peninsula tal laklet leh dan ngaihtuah in a thiantha Soviet Union hnenah tanpuina theihtawpa tah awhin a han dil a, Russia chuan lo khawngaihin a ralthuam neih tha ber ber te leh instructors, operators leh mithiam rual tam tak chu Egypt khawpui Cairo ah a thawn lut ta chur chur mai a.

_ _ _ Israeli Military Intellegence te chuan chona thar an hmachhawn ta tlat mai le, hetih hunlai a Israel Intelligence branch te inbiak pawhna tawng hman hi Arabic vek a nih avangin hetia Russia a lo inrawlh takah chuan an zinga Russian tawng thiam tlemte mi 34 lek te chu communication and intelligence centre Sinai ah thawn in Unit thar code name 'Masrega' (knitting needle) an din nghal chuk chuk a, anni hian Egypt a awm Russian Intelligence ho thuruk inthawn vel ngaithlak hna an thawk nghal ani.

_ _ _ April 18, 1970 ah Israeli Air Force 69th Squadron a mi F-4 Phantom fighter pahnih te chu Egypt ramchhung thuk takah thlawk lutin reconnaisance mission an nei a, an mission nei zo thlawk haw leh lampang Israel in a awp chin Sinai Peninsula an rawn kan lai velin Israel Intelligence branch 'Masrega' te chuan an thu ngaihthlak rukna atangin Egypt Jet fighter Mig21 pahnih in F-4 Phantom te hi rawn um in a pilot te chuan Russian tawng an hmang tih an hre ta hlauh mai a, Israel sipai leh political leader te an buai ta nak mai, heihi Russia hian ralthuam mai nilo pilot thlengin a tir lut ani tih an hriat vawikhatna ani.

USA in McDonnell Douglas F-4 Phantoms fighter jet Israel a pek hnu hian Israel hi vansangah a chungnung em em a chhun zan zawmin Egypt ramchhung duh lai lai an bomb mawlh mawlh tawh mai si a chumi counter nan a March 1970 a Russia in Mig-21 Squadron thum lai mai Cairo, Alexandria leh Aswan-a a dah na chhan leh a pilot te hial indona a a rawn chhawpchhuah tak na chhan chu ani.

_ _ _ Russia a in rawlh thuk ru hle tih an hriat hian Russia leh zel han beih chu tha dawn lova a hriat avangin Defence Minister, Moshe Dayan chuan Egypt ram chhung ril tak tak a aerial reconnaisance operation neih chu a ti tawp ta vat a. Mahse Russian pilot ho an awm hle hle thei tlat lo, 20th July,1970 ah Israeli Skyhawk fighter pali patrolling te chu an fighter chungnung leh tuantha fe zawk Mig-21 in an um a pakhat phei chu an kap chhe nghe nghe a,

_ _ _ Israeli Prime Minister nu rothap Golda Meir-i beng an thleng zet chu a dan adang ta zar mai, IAF Hqrs ah Russian fighters te chu zilh nghal turin green light pe ta rap mai le! IAF operation branch te chu an thluak pu ber leh vansang inbeihna a ralrel thiam hmingthang David Porath-a hovin an thu khawm nghal chuk chuk a, vansanga Russian Mig21 fighter te lo ambush dan tur an rel a, an ambush plan hi pawmpui a ni chiah a- Israeli pilot chhuanvawr leh tha ber ber te chu ko khawm in an chet lak dan tur an hrilh hre ta nghal a. July 30, 1970 tlailam her hret ah Arab Air Force thlawhna 67 zet an kahthlak hnu a a dang belh leh ngei tum in an thlawk chhuak ta chur chur mai le

Stage 1:

69th Squadron a F4 Phantom Jet fighter te chu Ramat, David Airbase atanga thlawk chhuak in Suez khawpui chhimchhak lama Egyptian radar post te chu an bei ta nghal a, he radar post an beih ah hian Phantom F4 attack formation hmang lovin Russian hovin an zuam em em A4 Skyhawk fighter (he fighter hi chuan Mig21 te chu khan lo tak ani) attack formation an hmang thung a, Russian pilot te tan chuan Skyhawk fighter emaw ti a nuam sakhai a han chhaih kual vel a chakawm ngawt ang le.

Stage 2:

119 Squadron ami French kutchhuak Mirage IIIC pali te chu Tel-Nof Airbase atanga thlawk chhuak in hniam takah leihrut lo chauhin an thlawk a, Egyptian airspace an lut chiah a thlawhna pakhat anga a lang turin a in hnaih thei ang berin an in bawhthuah a vansang tak- 35,000 feet a sang ah an in vawrh chho daih a, hetia vansang taka an awm hi Egyptian radar chuan thlawhna pakhat reconnaisance aircraft enthlak hna thawk angin a lo hmu a.

Stage 3:

113 Squadron atang Mirage IIIC pahnih chu Ramat-David Airbase atangin an thlawk chhuak a, anni pahnih erawh Suez channel chhak lam a tlangdung hniamte te phen ah inbeih tan hma zawng thlawk kual thlawk kualin an lo biru ve thung bawk a.

Stage 4:

Mirage pilot tha chungchuang pahnih te erawh Rephidim Airbase, Sinai Peninsula a IAF Airbase lianber leh Suez channel hnaih berah inkau sa ran in an cockpit an la thu mek a- anni pahnih hi chu standby a dah an ni thung. Mirage fighter sawm rual te hi 20mm machine gun bakah AIM-9 Sidewinder air-to-air missiles pahnih theuh a thuam niin Phantom te hi AIM-7 Sparrow radar homing missiles leh maching gun a thuam an ni thung.

AMBUSH:

IAF ten Egyptian radar post an beih atanga Minute 11 lekah Soviet MiG21 sawmparuk lai Russian pilot te khalh ngei mai chu pali zelin quartet formation a thlawkin an rawn thleng phei chawpchilh nghal a, MiG21 pariat te chu radar base beitu Israel A4 Skyhawk fighter emaw an tih bei turin an thlawk hrang a, a dang pariat te chuan vansang 35,000 feet a reconnaisance aircraft pakhat chauh emaw an tih han kap thla turin an in vawrh chho ve nghal bawk a. MiG21 te Israel position atanga 20Kms an rawn thleng chiah a, IAF commander Moti Hod chuan a stop-watch chu hmet tawpin attacking order a pe a, order pek annih rual chiah in Phantom fighter pali te khan Skyhawk fighting formation chu thlak thut in Phantom F4 fighter tha chungchuang te chu vansang lamah an in vawrh chho thut a. Hemi rual chiah hian vansang a MirageIIIC pali in bawhthuah tlat te kha thlawk darh in an hmelma te hmachhawn turin an in siamrem ta nghal a. An ruang chaicheh thlakna an rawn thleng chiah tih ah Soviet pilot te chuan Mirage fighter pariat in an hualbet tlat tih an in hre chauh a. An chunglam atangin Phantom F4 pali in duh ang thal a nuam in an rawn chhuk beih ta bawk nen Soviet pilot, experience nei lem lo chu an talbuai nghal reng a. Chu chu Israeli pilot dogfight expert rual- ralhrat tak tak te chuan an hual beh chhungah an han chhaih kual ta a ni.

_ _ _ Abraham Shalmon a MirageIIIC thla dinglam chu a phe zawk a Sidewinder AIM-9D missile rawn dawk zawk chuan MiG21 pakhat talbuai chu va deng puak nghalin a pilot nen an darh hneh hle. Hemi rual deuh thaw hian chunglam atangin chiang tawkin Asher Shir a Mirage atanga Sidewinder rawn thlawk chhuak chuan a hnuaia MiG21 lai takah chuan a zu fuh ve nghal zat bawk a, a pilot hi in eject hman mahse hliam a tuar hman nge lei a thlen in a thi hman tho a.

Mirage lam an che rang deuh, reilo te ah MiG pahnih an kapthla hman der.

Aviam Sela Phantom F4 thla veilam ve thung a de zawk a Sparrow missile rawn ving phei thiak chuan MiG21pakhat chu a va kap bung hmawk a, a pilot hi in eject hman in him takin lei a thleng thung.

_ _ _ Avihu Ben-Nun, Phantom Hammer squadron commander chuan Mirage pahnih in MiG pakhat lei hrut deuh thaw a hniam a an um chiam chu a hmu a, Mirage pahnih te hian an sidewinder an hman zawh tawh avangin hnaih takah um a, an 20mm machine gun hmanga kahthlak an tum a. An hnung atang chuan ani in a AIM-7 Sparrow missile in chu MiG chu a lo va kahthlak sak nghal a.

_ _ _ An ruang chaicheh thlak atanga thlawh chhuah tum MiG pakhat chu Abraham Salmon-a bawk chuan a um leh ta. Shalmon hian a missile a hmang zo tawh a machine gun hmang thei tur tawka hnaia um tumin a bei a. Soviet pilot lah beidawng hlauthawng thinrim kahthlak hlau bawk si leh missile in a lock ang tih hlau in a thlawk kawi zawk zawk a kahthlak a har phian. Hetih lai hian Mirage pahnih standby a an dah te kha an lo thleng phei ve chiah bawk a. Yiftach Specktor, 101st Squadron commander chuan a sidewinder pahnih chu a rualin a kapchhuak nghal a pakhat zawkin a va fuh a mahse a tla mai lo, khu vut vut in khawthlang lam a pan a chu chu Shalmona'n a 20mm machine gun in hnai set sawt ah a phuh hrep a, a tla ve leh ta tho a.

Israeli fighter te fuel in a daih dawn ta lo tih a hriat avangin an commander Moti Hod chuan disengagement order a pe chhuak a an kir san ta a ni.

_ _ _ Israeli Air Force te hian MiG21 panga kapthla tura an hun hman chhung hi minute 2 chiah !!!!

War of Attrition chhung hian Arab thlawhna 111 leh Israel thlawhna 4 kahthlak a ni a. He ambush thlen atanga ni riatna ah War of Attrition chu ceasefire hmanga tihtawp ani ta a ni.

Khawvela la thleng ngailo vansanga jet fighter in ambush na awmchhun leh dogfight hmuhnawm ber ni a hahipa a hmutu ten an sawi 'Ambush in the skies' chu A TAWP TAMS

LAL ISUA I ZUI AVANGIN

By; Upa C. Ngurthantluanga

1. Lal Isua i zui avangin hlawkna dawn tum vak kher suh, I zui Isua kha i hlawkna a ni sa reng tawh a ni, a dang zawng chu ama kutah nghat mai rawh.

2. Lal Isua i zui avang khan miten mifel hmuhin an hmu nghal ngawt dawn lo che a, i zui Isua kha i felna a nih tawh avangin, felna kawngah a hruai mai zawk dawn che a ni.

3. Lal Isua i zui avangin in buaina te kha a fel duak dawn kher dawn lo va, Buaina in a tih buai ve phak loh nun thuhruk i chhungah a dah tawh zawk dawn a ni.

4. Lal Isua i zui avangin i natna te kha a dam nghal vek kher dawn lo a, I zui Isua kha na reng chung pawha damna a ni zawk a ni.

5. Lal Isua i zui avangin thil tam tak chan/hloh tur nei mahla, i zui Isuaah chuan i la neih ngai loh thil tam tak neih belh tur i nei zawk a ni.

6. Lal Isua i zui avangin mite fak beisei kher lo la, i zui Isua chu fak mai la, nang pawh miten an sawisel reng hauh lo ang che.

7. Lal Isua i zui avangin thlemna ten an tlansan dawn lo che a, i zui Isua kha thlemna hnehna tur a ni zawk a ni.

8. Lal Isua i zui avangin lawm reng turah in ngai lo la, i zui Isua kha mahni chauh pawha him taka awmtir thei tu che a ni zawk a ni.

9. Lal Isua i zui avangin harsatna, hrehawmna engpawh i tuar a nih chuan lawm takin Lalpa fak la, fakna thiltih theih zia i hmu mai ang.

EAST PHAILENG KOHHRAN ZAIPAWL

Kum 1941 kuma E.Phaileng Kohhran Zaipawl thlalak Pu Thanzauvan a lo la kawltha hlauh mai.. Group ah hian kan dah lut ve a nge..

A sir hma lam a ding hi Pu Lawna a nia... Tlar hma a thu mipa hi.. Lal fapa, Lallunglenga a a niin a (hming in dawtin sawi chho ang) bula mi hi

1. Vanziki ( R. Thangdailova u)

2. Vanlalthangi (Zorama ni) 

3. Kap-i (Nu-i Pehlawn a mi nau)

4. Biakthangi (Rolchuhthanga nau)

2nd Sit.. (L-R)

1. Hre lo..

2. Lawmthangi (Upa Para nu)

3. Khumtiri (Parmawia farnu)

4. Lianchhungi (Sikhuma/Buka farnu)

5. Nguri (Biakthangi u)

6. Vankungi ( Rosanga nu/Sikhuma nupui)

7. Thankhumi (Hrangzika nau)

Tlar 3 na.. (R-L)

1. Lalringi (Upa Para ni)

2. Rangkhumi (Chhuanliana nu)

3. Chhunkungi (Chhunthawmliana nau)

4. Nu-i (Pehlawn)

5.Biaksangi ( Upa Para ni)

Tlar 4 na.. (L-R)

1.Saptawni (Vanrama farnu)

2. Phiri (Khumtira nau)

3. Chhunthuami (Chhunkungi u)

4. Chhingi (Biaksangi u)

5. Hrangziki (Rohmingliana nu)

tlar 5. Na (L-R)

1. Hlira.. (kEpran ah nupui fanau nei lovin a thi)

2. Lalkima (thangrikhuma u)

3. Sikhuma (Rosanga pa)

4. Vanhnuaithanga (Banglanghaki u)

5 Chhandama (Sawikungi u)

Tlar 6-na (L-R)

1. Lianthlira (Zasanga pa)

2. Hrangzika (Biaktluangi pa)

3 Bawiha (Zomlova pa)

4. Khawsiama.? (Rohmingliana pa)

Tlar 7 na (L-R) 

1. Lalduha (R. Tlangkhuma pa)

2. Hre lo

3. Vanrama (Zorama pa)

4. Hranga ( Kamlova pa)

5. Lalkhuma (C. Zoliana pu)

6. Sekunga ( Buka unaupa)

7. Vela (Thangkima nau)

8. Khela (Lalmawia (kepran) pa)

9. Thanzauva (R. Zothuama (ramhlun vengthar) pa

YMA GOLDEN JUBILEE

East Phaileng YMA chuan an din champhaphak vawi 50-na chu November ni 1 leh ni 2, 2012 khan Buizova Hall-ah ropui takin an lawm a. A lawmna pui ber, November ni 2 a neihah hian Art &Culture Minister Pu PC Zoram Sangliana chu khuallian a ni.

Pu PC Zoram Sangliana chuan East Phaileng YMA in kum 50 a lo tling ta chu a lawmpui thu sawiin Jubilee chu Bible-in saltang chhuahna ni tia a sawi angin he niah hian an sal tanna engemaw tal atanga chhuak turin kalkhawm te a sawm a. Zuk leh hmuam, ruih theih thil chi hrang hrang bawiha tang te pawhin an taksa tan a that lohzia hriaa sim turin a ngen a ni. Minister chuan YMA chu Kristian nun dan tha ngaisangtu a nih laia chanchintha kan dawn atanga kum 118 lai a liam hnuah pawh hlamzuih kan la nei tlat chu pawi a tihzia sawiin, nuaibo a hun ta hle a ni, a ti a. Branch, Group leh Headquarters ang te pawha ngaihtuahna thar seng turin YMA hruaitu leh member rual te a sawm a ni. Pu PC Zoram Sangliana chuan chi bing anga inlakhran tumna awm thin a duhlohzia sawiin Mizo niha lungawi mai turin mipui te a ngen a. Mizo hnam thendarh tum tu te tan Mizoram sorkarah hmun a awm lo tiin hnam bil leh chi bing ang zawnga inlakhran tumna do turin mipuite a ngen a ni. Minister chuan Jubilee lawma hlim taka hun an hman laia khaw thenawm lawk Ratu-ah tuten emaw sai sual an hnutchhiah avanga Mizo tlangval ten nunna an chan chu pawi a tihzia pawh sawi langin heng mi te hian Mizoram sorkar leh Mizo hnam pawi an khawih tih hria se a duh thu a sawi bawk a ni.

He huna thusawitu dang Central YMA Treasurer Pu R Lalngheta pawhin chibing anga inlakhran chu YMA in a duhlo a, YMA a din chhung chuan a do zel dawn a ni, a ti a. Mizo hnam inluangrualna leh insuihkhawmna pawl tha tak Pathianin min pek a nih angin YMA chuan he ram zim te leh he hnam tlem te thendarh tuma hmalatu te reng reng chu a do zel dawn a ni, a ti.

Minister Pu PC Zoram Sangliana hian East Phaileng YMA hnenah Mara hnam incheina (Mara dress) a pek bakah MHIP hnenah dekchi pakhat leh MUP hnenah pawn dum a pe bawk a ni.

Golden Jubilee lawmna inkhawm hi East Phaileng Branch YMA Vice President Pu HC Lalhriatpuia’n a kaihruai a, an Branch YMA President hmasa ber Pu Thangliana’n hruaitu hlui chawimawina certificate mi 76 hnenah a hlan a ni.

Jubilee lawmna a hmanpui zawh veleh Ratu khaw panin Pu PC Zoram Sangliana hi a kal nghal a. Mi bo zawngtute senso atan cheng 2000 a pe a. East Phaileng YMA Jubilee lawmna a tel tura kal Tuivawl bialtu MLA, Govt. Deputy Chief Whip Pu RL Pianmawia pawh he vanduaina thleng avang hian Ratu khua a pan tlang nghal a, mi bo zawngtute chetvelna thutchilhin engkim a hmunah a buaipui a ni.