*ZAWLBUK WEEKY NEWSPAPER*
*Dt.5.6.2016 (Pahianni)*
*Branch Executive Committee Ni 2nd May (Ningani) zan ah neih a ni a, thurel thenkhatte*
1.Kum 2016 YMA Day hman dantur Committee hmasa in a lo rel tawh chu thlir nawn leh a ni a, Chhun a Day kan hman dan tur atan a ruiahmanna leh Section inelna Item lo thlang chhuak tur a ruat chhuah ten, ruahmanna an siam leh Item an thlan chhuahte ngun tak a thlir ho a ni a, Item 11 an thlan chhuah zingah hengte hi Section inelna leh in tihhlimna atan pawm a ni a, Item tinah hetiang hian Conviner ruat nghal a ni.
1. Inhruipawh : Mipa 10, Hmeichhia 10(Best of 3) . Conviner : Pu H.J Lalzarliana Treasurer, Tv.Lalmuanawma leh Pu P.C Lalhumhima C/M.
2. Penalty pet : Mipa 10, Hmeichhia 10. Conviner : Pu K.Laldinthara Fin.Secretary, Pu R.Zothangliana leh Tv.Lalhriatrenga C/M.
3. Lungden : Mipa 3, Hmeichhia 3. Coviner : Pu KV Tlangmawia President, Pu Laldintluanga leh Pu Zorikhuma C/M.
Heng Item pathumte hi Mipa leh Hmeichhia a hran ve ve a inelna tur a ni.
4. Thirtiang khawh Mipa 3. Conviner : Pu Lalbiakmawia Vice President, Pu Lalmuanpuia Fanai leh Pu P.C Lalbuatsaiha C/M.
5. Inbaideh mipa 5 Hmeichhia 5(mix) 5 minutes. Conviner : Pu K.Lalhruaitluanga Secretary, Pu Lalrochuama leh Pu R.K.Lalhmangaiha C/M.
6. Mautlawn a in lawn siak : Mipa 3. Conviner : Pu Lalbiaktluanga Asst.Secretary, Pu R.K.Vanlalthlenga leh Pu K.Lalremruata C/M.
7. Kalchhet inkal siak : Mipa 2. Conviner: Pu Challianthanga, Pu V.L.Hmingduhawma leh Pu Lalhmuchhuaka C/M. Kalchhet hi Section tin ten pahnih theuh siam nise tih a ni.
8. Mittuam a Khuang in vuak fuh siak: Section tin a tanangin 3. Conviner : Nl.Lalhmangaihi, Nl Lalawmpuii, Nl. Lalthasangi, Nl. Lalropuii leh Nl. Lalhmuthari C/M.
9. Chair a Balloon in thutkeh siak Mipa 3 Hmeichhia 3. Conviner : Pu Darthanchama, Pu Lalhruaichhuaha leh Pu Samuel Zosangliana C/M.
YMA Chhangte Football khelh tir nise tih a ni a, YMA chhang Football khel duh te chu Ni 12th June(Pathianni) ral hmain Pu K.Lalhruaitluanga Secretary hnenah hming in ziah tir tur a ni ang. Refree turin Pu V.L.Hmingduhawma, Pu R.K.Lalhmangaiha leh Tv. Lalhriatrenga C/M te ruat an ni. Section in el naah hian pakhatna a tanga pali thleng lawmman siam nise tih a ni a, lawmman te hi zan Social Meeting ah Pu K.V.Tlangmawia President in min sem sak se tih a ni a, lawmman tur hi kan sum enkawltu ten lo ngaihtuah sem tih a ni. Chhun a programme kan hman hunah hian V/C te leh kan NGO pui M.H.I.P leh M.U.P te min rawn tel pui tur a sawm tha kan ti a, a hawnna ah M.H.I.P te an remchan ang Lam rawn entir tur a ngen bawk nise, tin, M.H.I.P leh M.U.P te Inhruipawh a in elna neih tir ni bawk se tih a ni. Ni 15 zingkarah hian chhun lama kan chetna hmun tur Field lo ti fel a atul tur ang te lo buaipui turin Darkhuma Section ruat a ni a, Section dang ten Buizova zaina hmun samfai nise tih a ni. Zan a Social Meeting kan neih na hmun tur YMA Office lo buaipui turin Buizova section ruat an ni.
2.Thingphun hnatlan dan tur ngaihtuah a ni a, thingphun tur lo ngaihtuah tura ruat chhuat ten hma an lo lak tawh dan ngaihthlak a ni a, an hmalaknaah lawmawm kan ti a, thingphunna hmun atan hian V.C tena ram min pek Darkhuma hmuntlang tlak lam ram nise tih a ni a, hnatlan hun atan Ni 11th June(Inrinni) ruat a ni a, hemi ni hian member pum huapa nileng a hnatlan nise, hnatlang a chhuak ten chaw fun nise, chawhmeh atan Dal leh Sanghatin siam nise, chawhmeh lo siam tur hi hnatlang chhuak a tanga ruat nise tih a ni.
3. N.Vanlaiphai khua Andrew Lallawmawma pumna a vanga boral hriatrengna atana a Nupui Zohma-ngaihi leh a pa F.Lalthanzama te nupa in Dekchi tha tak mai YMA te min pe chu lawmawm kan ti a, an chungah hian YMA E.Phaileng Branch chuan lawmthu a sawi tak zet a ni.
Central YMA atang a Endowment Fund khawn tur a min tih angin, Committee member ten Endowment Fund hi kan khawn mek a,ni 8th June ral hma in Branch Sum enkawl tute hnen ah thehluh theuh tur a ni ang. Endowment Fund hi Central YMAah Branch tin in kan chhung lut vek a, an ni’n Bank-ah an lo dah pung a, lak chhuah a hunah Branch hrang hrangah hriattirna pe chhuak leh in, mahni Branch theuhah mi harsa zualte leh tanpui ngai te thlang chhuak turin, keini pawhin kumin hian he Fund hi dawng turin mi pahnih kan thlang chhuak a ni. Chung te a nih avang chuan memberte’n pek theuh tum ila, nu leh pa pawhin kan fa te an awm lo a nih pawhin lo pek sak theuh i tum ang u.
*CHANCHINTHAR*
## Tv. Valthuama s/o Lalthantluanga Kawlni Buizova Section leh Zorinkima h/o Lalhmasawni, Liana Section Assam Ragiment te chu chaw-lh hmangin an rawn haw.
## Kan member pui Tv. RS.Lalduhawma s/o Thaz-ova, Buizova Section chuan Ni .1st June(Nilaini) khan Chami Hmuntha khua chu nupui atan a nei.
## Pi Lallawmzuali w/o Pu Lalmuanpuia Fanai, kan Bra-nch Committee member te chuan Ni 31th May (thaw-hlehni) khan Synod Hospital Durtlang ah an fa pathumna ni turin mipa duh awm tak an nei, Editorial Board chuan kan lawmpui e.
## Tv. RD Vanlalpeka s/o Rinliana, Liana Section Missionary Old Khojoisury a awm chu Missionary Retreat neih a vangin Ni 1 June (Nilaini) khan a rawn haw.
## Ni 3rd June(Zirtawpni) a Vantlang inkhawm in a pass angin, kan khua ah “Ar” khuahkhirh tur in a rel a, Ar nei zawng zawng ten khung vek tur a ni dawn a,Ar khuahkhirh na dan hman tan hun tur leh khuahkhirh dan tur chu vantlang inkhawm leh hun ah rel that leh tur a ni ang.
## Job Card Holder, Adhar Card Number, VC hnen a in report tawh zawng zawng ten, ni 11st June (Inrinni) ral hmain VC Secretary hnenah, Adhar Card xerox copy thehluh leh vek tur a ni ang.
*PAGE-2*
_Dawntisei………._
*Kutdawh rilru pu chungin, hmalam a pan theih loh*
_Editorial_ -
_Khawvel ram chang -kang te tih dan entawn vang nge mahni hmasial vang RAM NGHET NEIH kan in tih hmuh a (in lam leh ram lamah). Kan enkawl zawh loh leh khawtlang tan pawh hman tur awm manglo khawpin mimalin ram kan nei ta sup mai. Kan ramri te lah chu thenawmte/rite nek ranin kan zauh zeuh hlawm emaw tih tur a ni vei rawl nen.Kan ramchhunga pi pu atanga kawng awmsa lah tih fai nachang kan hre lo tulh tulh mai leh kan ramchhung a kawng kan enkawl dan te lah a zawhtu te mit ti kham chi te a lo ni vei zel a.....kan ram neihah hian kan tu leh fate lo awm zel turte tan thing leh mau, thlai kum hlun leh nungcha (sava rah tlan) chin na changte hre theuh ila, kan tu leh fa te tan chuan nu leh pa fing, pi leh pu fing kan ni mai dawn a ni_
_In lamah pawh ram awl zeuh neih tumin kan hman hlel a, kan thenawmte nen kan inkar awl emaw vantlang ram ruak a awm chuan chan loh emaw a luahlo-ah tan kan hlau hle ni in a lang.Chuti anga neih loh hlau bei chung si chuan,kan neih sa kan in bul vel kan va dah hnim / bal thin si em. Mahni neihsa vawn thianghlimte, vawn that leh hman tangkaiah hian keini Mizote hi kan tla hniam in kan hnufual tlangpui a, kan khawtlang kan lo changkan a rual kan pawl ve theih nan kan neih sa te hmang thiam in, keimahni teuhah hian Pathianin ENGE MAW RIAU-A THATNA min pe theuh,chuvang chuan kan neih sa kan ram,leilung,bungrua te a tha zawngin o hmang theuh ang u_
*VAWKSA VAWKSA*
Ni.10th May(Zirtawpni) tlaiah hian kan Vawk vulhlai thau tha tak kan talh dawn a, min lei sak ve turin kan ngen a che u.
R.Thangdailova
Ph No.9612366823
Buizova Section
*MIPUITE HRIATTIRNA*
Farming Co-Operative Society ah Hlo tur, Hlo chi tur, Rannung tur leh Leitha lei tur a awm e, a duh tur chuan a rang lamin KTP in ah lei theih a ni e.
Chairman
Ph. No.9862573659
*MRB A ACCOUNT HAWNG TURTE TAN A HRIATTUR*
Rural Bank a Account hawng thar turte chuan Account hawnna atan a *Ration Card* kan hman thin kha hmang tawh lo in, *Residencial Certificate* VC a tang a laka, hman thin tawh tur a ni e.
Ni 3rd June (zirtawpni) khan Vantlang inkhawm neih ani a, thu pawimawh tak tak rel ani a, committee peng hrang hrang hetiang hian siam a ni -
*VILLAGE EMPLOYMENT COUNCIL*
Chairman : Lalruatzela VCP
V.Chaiman : Pu Malsawmdawngliana
Secretary : Pu V.L.Hmingduhawma
A.Secretary : Pu R.K.Ngaihawma
Treasurer : Pu K.Zosangliana
Fin.Secretary : Pi Sangkhumi
*VIGILANCE AND MONITORING COMMITTEE*
Chaiman : Pu R.Lalthakima
V.Chaiman : Pu K.Lalhruaichhuaha
Secretary : Pu Samuel Zosangliana
A.Secretary : Pu Thakunga
Committee member te :-
(1) Pu Lalbiakzuala (2) Pu Phirkaia
(3) Pu R.Lalhmuaka (4) Pu C.Van-lalthanga
*JOB CARD ZIAK FEL TUR TE* :
(1) Pu Vanlalnghaka Kawlni (2) Pu RK.Lalhmangaiha (3) Tv Vanlalthuama (4) Nl B.Lalparmawii (5) Nl Lalthasangi
*Lawmthu* : _Kan chanchinbu siam kan Branch Fin.sec nupui Pi Lalhm-ingchhuangi chuan thingpui tui tak mai min lum saka a chungah kan lawm tak zet a ni_
*_Publish and Edited By: Joint Editor, ZAWLBUK on behalf of YMA East Phaileng Branch_*
No comments:
Post a Comment