ZAWLBUK 10/6/2016

ZAWLBUK WEEKY NEWSPAPER
Dt.5.6.2016 (Pahianni)
Y.M.A ZEL ANG U
KV.TlangmawiaPresident Branch YMA
Ni leh thla a liam a, kum 2016 YMA Day kan lo thleng leh dawn ta reng mai, a din tirh atanga chhut chuan Putar tak kum 82 lai alo ni ve ta reng mai, kum tinin kumpuan te nei in, kum 2016 hian ‘Ram leh hnam humhalh’ kan puang a, kan Branch pawhin thlawpin ‘Khawtlang nun siamthat’ kan puan belh a, YMA Member-te hian Ram leh Hnam kan humhalh em? Khawtlang nun kan siamtha em? tih hi i in zawt theuh teh ang u.
Ram leh Hnam kan humhalh em ? Engtiangin nge kan humhalh ang. He kan khua siamtha tur hian nang leh kei hi kan va pawimawh em! I ram suattu, ti chereutu nilovin a chhelai siam\ha tu ni la, i tufa ten chawimawina nopui an la rawn hlan dawn che nia. A hnampui chung a tlawmngaihna lantir a, rinawmna leh dikna vawng tlat mi chu hnam humhimtu a ni, i ram leh hnam tan rinawm tlat la i hnam a vangin tlawmngaihna vawngnung reng la, i hnam thuam leh nunzia zahpui reng reng lovin atak in nunpui zel la, i ram leh hnam that nan i tha leh zung sen ui suh la, i hnam tlukchhiat phal hek suh, a tluche tur venghimtu nih zel tum ang che. i hnampui chu a hmel tha ber a, an nalh ber a, an hlu ber bawk tih hria in ngaihsan na chang hria ang che, nupuim pasal zawn kawngah fimkhur hle ang che.Tin, zirlai ten mi enthlak kan nih hrereng in kan zirlai te taima takin zir ila, khawlaiah te leng tam lo ila, nu leh pa leh zirtirtu thuawi ila he khawtlang hi kan siam nuam dawn a lo ni.
YMA Member-te leh NGO member zawng zawngte Kohhran a member zawng zawngte hian tih tur leh tih loh tur kan nei vek awm e, i theihna i in hriatchian hi a pawimawh hle, roreltute thu zawm thiam mi nih te, khawtlang in a khap te tilui lo mi nih te, Dan leh thupek te kan zawm thiam hian khawtlang a lo nuam dawn a, a hunah tlaivar a, a hunah thlan laih a, a hunah huaisen a, a hun a tlawm ngam te hian zirlai bung thar min kai tir se, \ha leh \halo indo na ramah hian tha hi kan hneh tir zel chuan kan khawtlang a lo nuam ngei ang, kan khawtlang hmangaihtu nun ah chuan kan khawchhung a thil tin reng te hi a zahawmna leh hlutna an hrechiang a a pal chhetu ah leh a ti duhdahtu ah an tang ngai lo. I ram thing leh mau i humhalh te, i ram ludung te i humhalh a, lui a nungchate i man ruk loh hian he khawtlang hi i lo siamtha dawn a lo ni. I Ram a thing leh mau humhalh tum tlat ang che, nangmah i inhmangaih angin i vengtre hmangaih rawh ti hi vawn nun tum tlat ang che.
YMA Member a in pe, sum thawh dawn leh hnatlan dawn a, YMA member nih tum leh si lo te hian YMA hruaitute Lu a tihai hle thin, chhiat kan tawh ni ah YMA hian min tuamhlawm se tih rilru pu a member a kan in pe a nih vaih chuan bansan ngam mai te hi a huaisen thlak zawk em? Nangmah a vang hian YMA a tluk chhiat phah thei a nia.
Kum 2016 YMA Day chu hmang turin Branch Executive chuan an rel a ni a, i in pek chhan chiang tak in a lang dawn, kan zavai a mawhphurhna hlen turin a hunah, a hmunah kan tha leh zungte sengin i YMA zel ang u.
YMA vul zel rawh se. Ka lawm e.
CHANCHINTHAR
## Dt 8th.June.16 zing khan vantlang inkhawm neih a ni a, Ar khuahkhirhna dan siam tura rel chu ennawn leh ni in, remchan lohna avangin thurel tawh chu tih hlawh tlin hrih loh ni se tih a ni a. Tin, he hunah hian Ni Za inhlawhn atana thawh tur rel a ni a,Tuikhuah laih leh Theihmu huan thlo / sam ni se tih a ni a. Theihmu huan an thlawh/sam sakte: Tv R. Lalbiakthanga. Pu. K. Zo-
sangliana. Pu. Thangthuama. Pu. C. Lalchhuanawma. Tuikhuah ( Water reservoir) an laih sakte: Pu Rokima leh Pu Thakunga te an ni.
## Pu Tlankima h/o Pi Thanchungnungi chu pumna avangin Dt 8th.June.16 khan Aizawl pan pui ni in, in lamah enkawl a ni.
Pi Rohmingthangi h/o R. Vanlalsiama (L) chu Dt 9th.June.16 khan Ni Za inhlawhna a, a kal chu damlohna in a tlak buak avangin In lamah haw pui ni in In lamah enkawl mek a ni
## Np. Lalhriatsangi Hauhnar f/o Lalpawlliana chu Nazareth Hospitalah Dt. June’16 khan Admitted ni in tunah hian enkawl mek a ni.
## Np. Mathew. Lalrindika f/o Lalnunnema chu Pneumonia natna avangin Khawruhlian PHC-ah enkawl mek a ni.
(Zawlbuk Editorial Board chuan dam leh thuai turin duhsakna kan hlan e)
PAGE-2
Dawntisei
“ “ ‘Mi ropui apiang mi hniam zawkte ban phakin an nung thin’
Kumin YMA Day hi vawi 81-na a ni a, Kan Branch chuan Section inelna leh Member in tih hlimna hun atan Chhun lamah hun a hmang dawn a, Zanah Social meeting neiin hun hman bawk tur a ni
Programme
Chhun Programme :
A hmun : Field (Playground)
Tan hun : Dar 10:00 am
Hruaitu / Hunserh: Pu KV. Tlangmawia President.
Chawnglaizawn : MHIP(openning)
Section inelna leh Member intih hlimna hun nileng a hman a ni ang, tin, MHIP leh MUP te in hrui pawh hmuhnawm tak thlir beisei bawk a ni. Chhun a kan intihsiakna atan a pawimawh turte, Item tin a Convener ten lo ngaihtuah lawk vek tur a ni.Chhunah hian Refreshment tuihnai tak siam a ni ang.
Zan Programme:
A hmun : YMA Office
A hun : Inkhawmban
Hruaitu : Pu HJ Lalzarliana Trea.
Tantu : Pu Laldintluanga Leader
Rothai Section.
Zai hruaitute : Tv. Lalmuanawma leh Pu PC.Lalbuatsaiha C/M te.
HSSLC & B.A Passed Certificate hlanna : Pu Lalbiakmawia Treasurer Chalfilh Gr. YMA.
Thusawi : Khawtlang nun siamthat ‘Zirna lam’
Sawitu : Pu Zothangruaia Adviser.
Thusawi : hawtlang nun siamthat ‘Kan nun ho naah’
Sawitu : Pu Vanlalpara Adviser.
Lawmthu sawi : Pu Lalbiaktluanga Asst.Secretary.
Solo : Lalduhawma Rothai Section.
Jerusalemthara Liana Setion.
Zoramthari Buizova Section.
Darkhuma Section te hi an la committee loh a vangin kan la hre thei lova, zaithiam tak an in ruat chhuak turah kan ngai.
Y.M.A. HUANG
# YMA Day zana HSSLC leh BA passed te lawmpuina Certificate YMA in a kan pek turah, Certificate dawng tur hian mahni kan kal thei lo a nih pawhin aiawh kal ngei tur a hriattir kan ni, inhriattirna hranpa siam a ni lova, hei hi hriattirnaah ngaih tur a ni.
# Naktukah hian VC tena YMA te enkawl tur a Ram min pek Darkhuma hmun tlang tlak lam ramah member pum huap a Thingphun hnatlang neih tur a ni a, hnatlang a chhuak ten thingphunna atana hmanraw pawimawh thawhchhuah pui tur a ni, chaw fun tur a ni ang.
LIANA SECTION MEMBER-TE
HRIATTIRNA
Ni.13thJune(thawhtanni) zingkarah Liana Section YMA member-te Notice Board siamthat, khawlai tihfai leh YMA Day a section chawlhbuk tur Field-ah siam a hnatlan tur a ni a, hnatlang a thawk chhuak tur ten leilaihna hmanrua leh Chem ken theuh tur a ni. Member zawng zawngte thawk chhuak \heuh turin kan in sawmin kan in ngen a ni.
ROTHAI SECTION A|ANGA
HRIATTIRNA
Ni 13th june (thawhtanni) zingkarah hian Field hlui bul a Zuang zar thlak a Rothai Section te hnatlang neih tur a ni a, member-te thawk chhuak theuh turin kan in hriattir a, hemi zing hian Zuang zar hi lilam nghal tur a ni a, a chhang duh turte chuan pan khawm tur a ni ang.
GSA HRIATTIRNA
Kum 2016-2017 Season atan Darlawn Zone Football Association hnuaiah Affiliation tih a lo hun leh ta a, Affilliation hi June thla chhung a tih fel tur a ni ang. E.Phaileng GSA hminga Affilliation ti tur te chuan Pass port size copy 1 lo neih lawk vek tur a ni a, kum 2016 Independence Day Football Running Trophy chu July thla chawlhkar tawp atanga tan tur a tih a ni a, tin, kum 2017 ADFA Cup chu Darlawn zone in a thleng dawn a, he tournament a khel thei ngei tur hian GSA Player te tun atanga tanla a practice sauh sauh turin kan in hriattir a ni.
Secretary
Games & Sports Association
E.Phaileng.
LAWMTHU SAWINA
Kan fapa/nau Andrew F.Vanlallawma(38) Driver s/o F.Lalthanzama N.Vanlaiphai, a hnathawhna hmuna Ni 13th.5.’16 a a boral chungchangah E.Phaileng khawtlang chungah kan lawm em em a, kan fapa lainat taka lo dawmhlumtu khua hi kan theihnghilh thei ngai lovang.
E.Phaileng YMA,MHIP,MUP leh VC chungah kan lawm em em a, ruang min hlawm sakin kuang mawi tak min siam sak a, a tul ang zawng zawng min tih saktute chungah lawmthu kan sawi tak meuh meuh a ni. A ruang buaipuia khawtlang mipui hun leh tha in senna zawng zawng kha ropui kan ti a, Presbyterian Kohhran in kan fapa ruang min thlah sakin Bialtu Upa in \awng\aina nen a, min thlah kha ropui kan va ti em, Aizawl leh N.Vanlalphai thleng a ruang zuitute in chungah kan lawm tak zet a, nang mahni avang a zahawm tak leh mualpho lova kan lang ve thei kha kan lawm tak zet a ni.
Kan fapa thihna leh lainat tak a lo tuam hlawmtute hmel hmuh chak a Ni 30th.5.’16 a E.Phaileng khua a kan rawn kal tum a min lo dawnsawnnaah khan kan va lawm em. Tin, Pu VL Sawma Kawlni te chhungkuain kan fapa duat taka an lo enkawlna leh puitu a neih loh laia lo dawmhluma an lo bawisawmnaah an chungah lawmthu kan sawi tak meuh meuh a ni. Kan fapa chunga in thil tih zo zai hi kan rul seng dawn lo che u a, lawmthu sawi mai bak hi tih theih kan nei lo a, kan fapa hian inpawi lo sawi leh in mit tih khamna a lo nei palh a nih pawhin min theihnghilh saka min ngaidam turin kan ngen che u a, Lalpan kan chunga in \hatna leh in insenso na zawng zawng hi a let tam tak in rul che u rawh se.
Upa F.Lalthanzama te chhungkua
N.Vanlaiphai, Venglai.
Leh
Pastor H.Zalianchama te Chhungkua
E.Phaileng.
Publish and Edited By: Joint Editor, ZAWLBUK on behalf of YMA East Phaileng Branch